ເຜິ້ງໂກນ / Asian Hive Bee

ເຜິ້ງເປັນແມງໄມ້ທີ່ມີບົດບາດສໍາຄັນຕໍ່ລະບົບນິເວດ ເນື່ອງຈາກເປັນແມງໄມ້ທີ່ມີສ່ວນຊ່ວຍໃນການປະສົມພັນຝຸ່ນລະອອງເກສອນໃຫ້ຕົ້ນໄມ້ທໍາມະຊາດ ແລະ ພືດພັນຜົນລະປູກ, ເຊິ່ງເຖິງແມ້ວ່າໃນປະຈຸບັນອາດຈະຍັງບໍ່ໄດ້ມີການສຶກສາ ແລະ ສໍາຫຼວດເຖິງຜົນກະທົບທີ່ເກີດຂຶ້ນຈາກການປ່ຽນແປງດ້ານລະບົບນິເວດໂດຍມີມະນຸດເປັນສາເຫດຕໍ່ຈໍານວນເຜິ້ງໃນ ສປປ ລາວ, ໂດຍສະເພາະຜົນກະທົບຈາກປະລິມານການໃຊ້ສານເຄມີໃນພາກກະສິກໍາເຊິ່ງນັບມື້ກໍ່ມີແຕ່ສິ່ງເພິ່ມຂຶ້ນຢ່າງຫຼວງຫຼາຍ. ເຜິ້ງໂກນເປັນເຜີ້ງທີ່ມັກອາໄສຢູ່ຕາມໂກນໄມ້ ແລະ ຕາມໂພງຫີນ ຫຼື ດິນ, ປະຈຸບັນໄດ້ມີການລ້ຽງໃນຫຼາຍແຂວງຂອງລາວເຊັ່ນ: ຫົວພັນ, ຜົ້ງສາລີ, ຊຽງຂວາງ, ບໍ່ແກ້ວ, ຫຼວງພະບາງ, ສະຫວັນນະເຂດ ແລະ ເຊກອງ.