APA 6th ed. ງົວ / Cattle. (2021, February 22). Retrieved from https://www.phakhaolao.la/kb/0000952
MLA 8th ed. ງົວ / Cattle. Pha Khao Lao, 22 February 2021, https://www.phakhaolao.la/kb/0000952.
Chicago 17th ed. Pha Khao Lao. 2021. "ງົວ / Cattle." Published February 22, 2021. https://www.phakhaolao.la/kb/0000952.
ຊີ້ນງົວໃນຕະຫຼາດໃນປະຈຸບັນລາຄາຄ່ອນຂ້າງສູງ, ເພາະມີຄວາມຕ້ອງການຂອງຕະຫຼາດສູງ, ຊີ້ນງົວຍັງເປັນທີນິຍົມຂອງຜູ້ມັກ ຮັບປະທານອາຫານເປັນຊີ້ນສັດ, ບາງຄັ້ງຊີ້ນງົວຍັງຂາດຕະຫຼາດ. ຊີ້ນງົວສົດໃນຕະຫຼາດທົ່ວໄປໃນນະຄອນຫຼວງວຽງຈັນ ກິໂລລະ 75,000-90,000 ກິບ. ຖ້າຂາຍເປັນໂຕ ອິງຕາມຂະໜາດຂອງໂຕນ້ອຍ ແລະ ໂຕໃຫຍ່, ລາຄາແຕ່ 4,500,000-8,000,000 ກິບ. ຖ້າເປັນງົວທອມແລ້ວ ຫຼື ງົວຊົນອາດສູງເຖິງໂຕລະ 10,000,000-15,000,000 ກິບ. ຖືວ່າໃນປະຈຸບັນຍັງບໍ່ພໍຕໍ່ຄວາມຕ້ອງການຂອງຜູ້ບໍລິໂພກ ເຖິງແມ່ນວ່າລາຄາຈະສູງຂຶ້ນກໍ່ຕາມ. ດັ່ງນັ້ນການຫັນມາລ້ຽງງົວເປັນອາຊິບ ເຮັດໃຫ້ປະຊາຊົນຫຼາຍຄອບຄົວພົ້ນຈາກຄວາມທຸກຍາກໄດ້.