APA 6th ed. ງົວ / Cattle. (2021, February 22). Retrieved from https://www.phakhaolao.la/kb/0000952
MLA 8th ed. ງົວ / Cattle. Pha Khao Lao, 22 February 2021, https://www.phakhaolao.la/kb/0000952.
Chicago 17th ed. Pha Khao Lao. 2021. "ງົວ / Cattle." Published February 22, 2021. https://www.phakhaolao.la/kb/0000952.
ພະຍາດ ແລະ ການປ້ອງກັນພະຍາດ
ກ. ປາກເປື່ອຍ-ລົງເລັບ
- ອາການ: ເປັນຕຸ່ມຢູ່ປາກ, ລິ້ນ, ຮິມປາກ, ມີນ້ຳລາຍເຕັມປາກ, ຈະບໍ່ເລັມຫຍ້າ, ຊືມເສົ້າ, ຫຼັງການເກີດຕຸ່ມ ຢູ່ປາກ 3-5 ວັນຈະເກີດຕຸ່ມທີ່ກີບຕີນ ແລ້ວຕຸ່ມກໍ່ກະຈາຍໄປທົ່ວ ແລະ ແຕກ, ຖ້າເປັນຮ້າຍແຮງກີບຕີນຈະຫຼຸດອອກ, ຖ້າບາງຕົວທີ່ຖືພາອາດຈະແທ້ງລູກໄດ້.
- ການປ້ອງກັນ: ອະນາໄມ ແລະ ຂ້າເຊື້ອພະຍາດໃນຄອກໃຫ້ສະອາດ, ເພື່ອຮັບປະກັນບໍ່ໃຫ້ເກີດພະຍາດນີ້ຄວນສັກວັກຊິນປ້ອງກັນທຸກໆ 6 ເດືອນ
ຂ. ພະຍາດຄໍບວມ:
- ອາການ: ມັກຈະອອກນ້ຳລາຍເຕັມປາກ, ບໍ່ກິນອາຫານ, ຊື່ມເສົ້າ, ຫາຍໃຈຖີ່ ຫຼື ເບົາໆ, ເມື່ອເລີ້ມເປັນທ້ອງຈະເບັງຂຶ້ນ ແລະ ຖ່າຍຂີ້ແຫຼວ, ໜຽງຄໍຈະບວມ, ຖ້າປີ່ນປົວບໍ່ທັນຈະເສຍຊີວິດກະທັນຫັນ, ບໍ່ມັກສະແດງອາການໃຫ້ເຫັນ, ຕ້ອງໝັ່ນສັງເກດຢູ່ສະເໝີ
- ປ້ອງກັນ: ສັກວັກຊິນປ້ອງກັນທຸກໆ 6 ເດືອນ
- ປີ່ນປົວ: ໃຫ້ສັກຢາສະເຕັບໂຕໄມຊິນ, ຊັນຟາເມທຣາຊິນ ຫຼື ປືກສາສັດຕະວະແພດໃກ້ບ້ານທ່ານ.
ຄ. ພະຍາດໄຂ້ເລືອດດຳ:
- ອາການ: ຫາຍໃຈຫອບຫືດ, ຕາຍຢ່າງກະທັນຫັນ, ເມື່ອຕາຍຈະມີເລືອດສີດຳອອກມາຕາມຮູຂົນ, ດັງ ແລະ ຮູທະວານໜັກ. ມີນ້ຳເມືອກໄຫຼອອກມາຈາກປາກ, ນ້ຳປັດສະວະປົນເລືອດ, ຖ່າຍຂີ້ແຫຼວປົນເລືອດ, ບໍ່ກິນຫຍ້າ, ຫາຍໃຈຝືດ, ຄໍບວມ, ທ້ອງເບັງ ແລະ ກ້າມຊິ້ນສັ່ນ.
- ການປ້ອງກັນ: ສັກຢາວັກຊິນ ເມື່ອອາຍຸໄດ້ 6 ເດືອນ
ງ. ພະຍາດທ້ອງອືດ
-ອາການ: ງົວທີ່ເກິດພະຍາດນີ້ຈະກະວົນກະວາຍ, ລຸກນອນຜິດປົກກະຕິ, ມີນ້ຳລາຍເຕັມປາກໄຫຼບໍ່ເຊົາ, ຫາຍໃຈຝຶດ, ຖ້າເປັນແຮງສັດຈະລົ້ມລົງນອນຊັກ, ຖ້າເຮົາຊ່ວຍບໍ່ທັນງົວຈະຕາຍໃນຕໍ່ມາ.
- ການປິ່ນປົວ: ໃຊ້ນ້ຳມັນພຶດ 120 ຊີຊີ ປະສົມນ້ຳ 400 ຊີຊີ ໃຫ້ກິນຖ້າມີອາການໜັກໃຊ້ເຂັມໃຫຍ່ແທງບ່ອນກາງຊ່ວງທ້ອງດ້ານຊ້າຍ, ພະຍາຍາມດຶງເຂັມອອກມາແລ້ວຈື່ງປົວບາດແຜທີ່ແທງນັ້ນ
ຈ. ພະຍາດໄຂ້ບວມ
- ອາການ: ໄຂ້ສູງ ແລະ ໄຄ່ຕາມກ້າມຊີ້ນ, ບ່າໄຫລ, ກະໂພກ, ບິບເບີ່ງບ່ອນໃຄ່ຈະມີສຽງດັງຈາກຝອດອາກາດ, ຖ້າຮ້າຍແຮງຈະຕາຍພາຍໃນ 5-6 ຊົ່ວໂມງ.
- ການປ້ອງກັນ: ສັກວັກຊິນປ້ອງກັນ ເມື່ອສັດມີອາຍຸ 6 ເດືອນ ແລະ ສັກຢາທຸກໆປີ.