ກ້ວຍນ້ຳ / Kluai Nam Wa

ກ້ວຍນ້ຳເປັນພືດປູກທົ່ວໄປໃນ ສປປ ລາວ ເຊີ່ງຕິດພັນກັບວິຖີການດຳລົງຊີວິດ ແລະ ຮອດຄອງປະເພນີ. ເພື່ອໃຫ້ງ່າຍຕໍ່ການນໍາໃຊ້ ດັ່ງນັ້ນປະຊາຊົນລາວໄດ້ປູກໄວ້ໃກ້ກັບເຮືອນ ຫຼື ສວນໃກ້ໆບ້ານ. ເປັນພືດທີ່ປູກງ່າຍ ແລະ ສາມາດເກີດໄດ້ໃນທຸກສະເພາະແວດລ້ອມ, ແຕ່ບໍ່ມັກບ່ອນທີ່ມີນ້ຳຂັ່ງ, ແຕ່ມັກບ່ອນຊຸ່ມຊື່ນ ແລະ ອາກາດໂປ່ງແສງດີ ຫຼື ມີແສງແດດພຽງພໍ. ເພາະວ່າກ້ວຍຍັງບໍ່ທັນໄດ້ຮັບຜົນຜະລິດໃນປີທຳອິດ, ຖ້າປູກພຽງກ້ວຍຢ່າງດຽວຈະບໍ່ໄດ້ຮັບຜົນຜະລິດໃດໆໃນປີດັ່ງກ່າວ, ສາມາດປູກພືດປະສົມປະສານທີ່ສາມາດເກັບກູ້ລະດູດຽວໄດ້ ເຊັ່ນ: ງາ, ເຂົ້າ, ສາລີ, ເຜຶອກ ແລະ ອື່ນໆ. ຜົນຜະລິດດັ່ງກ່າວຈະເປັນຜົນທີ່ໄດ້ຮັບແທນໝາກກ້ວຍໃນປີທຳອິດ.