ແບ້ / Goat

ການຄັດເລືອກສະຖານທີ່ ແລະ ການສ້າງຄອກ
ການຄັດເລືອກສະຖານທີ່

• ຄວນເປັນບ່ອນທີ່ນ້ຳບໍ່ຖ້ວມ ແລະ ເຂດທີ່ບໍ່ມີລົມພັດແຮງ
• ມີບ່ອນຫາອາຫານ ແລະ ຫຍ້າໃຫ້ແບ້ກິນໄດ້ຕະຫຼອດປີ
• ຄວນຫ່າງໄກຈາກສວນປູກພືດຊະນິດອື່ນ
• ຄວນມີການຈັດການເນື້ອທີ່ ເພື່ອລ້ຽງແບ້ ແລະ ເນື້ອທີ່ເພື່ອປູກຝັງແຍກຈາກກັນ.
• ມີນ້ຳສະອາດພຽງພໍໃຫ້ແບ້ໄດ້ກິນຕະຫຼອດປີ.
• ເສັ້ນທາງສະດວກເພື່ອເຂົ້າເຖິງ
• ເປັນບ່ອນທີ່ບໍ່ມີພະຍາດແບ້ເຄີຍລະບາດມາກ່ອນ

ການສ້າງຄອກແບ້:

• ສະຖານທີ່ຄວນເອົາບ່ອນເນີນສູງພໍປະມານ ເພື່ອຫຼິກລ້ຽງນ້ຳຖ້ວມຂັງ
• ລະດັບຄວາມສູງຂອງຄອກແບ້ປະມານ 1-1.5 ແມັດ, ອາກາດຖ່າຍເທໄດ້ດີ ແລະ ສາມາດເຂົ້າໄປອານະໄມໄດ້ງ່າຍ
• ມີລູກຂັ້ນໄດເຮັດດ້ວຍໄມ້ ກວ້າງປະມານ 1 ແມັດ ແລະ ບໍ່ຈຳເປັນເຮັດຮາວ
• ຫຼັງຄາມຸ້ງດ້ວຍຫຍ້າ, ສັງກະສີ ແອ້ມດ້ວຍຝາໄມ້ກໍ່ໄດ້ອີງຕາມສະພາບເງື່ອນໄຂທີ່ມີ.
• ໃຊ້ໄມ້ທີທົນທານເພື່ອແອ້ມທັ້ງສີ່ດ້ານ ແລະ ມີສີ່ງກັນຝົນເພື່ອປ້ອງກັນບໍ່ໃຫ້ຝົນສາດເຂົ້າດ້ານໃນ
• ໜັ່ນເບີ່ງແຍງ ແລະ ອານະໄມຄອກໃຫ້ສະອາດຢູ່ສະເໜີ ເພື່ອປ້ອງກັນການຕິດເຊື້ອພະຍາດ
• ແບ້ແມ່ພັນຕ້ອງການເນື້ອທີ່ 1.5 ຕາແມັດຕໍ່ໂຕ ແລະ ພໍ່ພັນແມ່ນ 2 ຕາແມັດຕໍ່ໂຕ.