ປາໄນ / Common carp

1. ລັກສະນະຂອງເພດ: 

• ເພດແມ່: ມີລຳໂຕປ້ອມສັ້ນ, ຊ່ວງທ້ອງດ້ານລຸ່ມອວບໃຫຍ່, ລະດູການວາງໄຂ່ເພດແມ່ທ້ອງຈະເບັງອອກທັງສອງຂ້າງ, ທ້ອງອ່ອນນຸ້ມ ເມື່ອໃຊ້ມືບີບທ້ອງເບົາໆໄຂ່ຈະໄຫຼອອກທາງອະໄວຍະວະເພດ ແລະ ເມື່ອໃຊ້ມືສຳພັດບໍລິເວນແກ້ມ ຫຼື ເກັດຈະສາກຊາ
• ເພດຜູ້: ລຳໂຕຈະຮຽຍາວ, ທ້ອງບໍ່ເບັງ, ທ້ອງແຂງ ຖ້າໃຊ້ມືບີບທ້ອງເບົາໆໄລໄປທາງຮູທະວານຈະມີນ້ຳສີຂາວຄ້າຍນ້ຳນົມໄຫຼອອກມາຈາກອະໄວຍະວະເພດ, ອີກວິທີໜຶ່ງເຮົາໃຊ້ມືລູບບໍລິເວນແກ້ມ ຫຼື ເກັດຕາຕົນໂຕຂອງເພດຜູ້ທີ່ພ້ອມປະສົມພັດຈະສາກຊາ

2. ລະດູການວາງໄຂ່: 

• ປາໄນເປັນປາທີ່ສາມາດປະສົມພັນໄດ້ທຸກລະດູ, ແມ່ພັນປາໄນທີ່ມີຄວາມສົມບູນໄດ້ຮັບການເບິ່ງແຍງຖືກວິທີ ໃນຮອບປີໜຶ່ງສາມາດວາງໄຂ່ໄດ້ 4 ຄັ້ງຕໍ່ປີ

• ເດືອນ	ການວາງໄຂ່	ການອານຸບານລູກປາ
  ກຸມພາ	ວາງໄຂ່ຄັ້ງທີ່ 1	ປະສົມພັນໄຂ່ ແລະ ອານຸບານລູກປາໃນກະຊັງ
  ມີນາ	ບຳລຸງພໍ່-ແມ່ພັນ
  ເມສາ	ວາງໄຂ່ຄັ້ງທີ່ 2	ປະສົມພັນໃນກະຊັງ, ວາງໄຂ່ ແລະ ອານຸບານລູກປາໃນບໍຊີເມັນ
  ພຶດສະພາ	ບຳລຸງພໍ່-ແມ່ພັນ
  ມິຖຸນາ	ວາງໄຂ່ຄັ້ງທີ່ 3	ປະສົມພັນໃນກະຊັງ, ວາງໄຂ່ ແລະ ອານຸບານລູກປາໃນບໍຊີເມັນ
  ກໍລະກົດ	ບຳລຸງພໍ່-ແມ່ພັນ
  ສິງຫາ	ວາງໄຂ່ຄັ້ງທີ່ 4	ປະສົມພັນໃນກະຊັງ, ວາງໄຂ່ ແລະ ອານຸບານລູກປາໃນບໍຊີເມັນ

•  ຊ່ວງເດືອນກັນຍາ ຫາ ເດືອນມັງກອນ ຂອງແຕ່ລະປີເປັນຊ່ວງຂະດູໜາວ ອາຫານຕາມທຳມະຊາດມີໜ້ອຍປາແຕ່ລະຊະນິດຢູ່ໃນໄລຍະໃນການພັກໂຕ, ບໍ່ປະສົມພັນ ແລະ ບໍ່ວາງໄຂ່ ຈຶ່ງເປັນຊ່ວງເວລາໃນການບຳລຸງພໍ່ແມ່ພັນໃຫ້ມີຄວາມສົມບູນ, ກຽມບ່ອນລ້ຽງເພື່ອກຽມການປະສົມພັນໃນຄັ້ງຕໍ່ໄປ.