ຍຳໜັງຄວາຍ
ຍຳໜັງຄວາຍແຊບໆ ໃສ່ໝາກປີ
ເຮືອນຄົວລາວ
Phakhaolao. la
ສ່ວນປະສົມ
- ໜັງ ຄວາຍຕົ້ມສຸກ
- ໝາກປີ 1 ໜ່ວຍນ້ອຍ
- ໝາກເຂືອ 5 ໜ່ວຍ
- ຜັກໜອກ 1 ຖ້ວຍ
- ເກືອ 1 ບ່ວງຊາ
- ນ້ຳປາ 1 ບ່ວງແກງ
- ເຂົ້າຂົ້ວ 2 ບ່ວງແກງ
- ໝາກນາວ 2 ໜ່ວຍ
- ໝາກເຜັດ 5-8 ໜ່ວຍ
- ຜັກຫອມປ້ອມ
ວິທີປຸງແຕ່ງ
- ຊອຍໝາກປີ ໃສ່ນ້ຳປະສົມໝາກນາວ ເພື່ອບໍ່ໃຫ້ໝາກປີດຳ
- ປັ້ນນ້ຳອອກຈາກໝາກປີໃຫ້ໝົດ
- ຊອຍໜັງ, ໝາກເຂືອ, ຜັກໜອກ ແລະ ໝາກເຜັດ ໃຫ້ເປັນຕ່ອນນ້ອຍໆ
- ໃສ່ໜັງ, ໝາກປີ, ໝາກເຂືອ ແລະ ຜັກໜອກ ລົງໃນຖ້ວຍ
- ປຸງລົດດ້ວຍເກືອ, ນ້ຳປາ, ເຂົ້າຂົ້ວ, ໝາກນາວ ແລະ ໝາກເຜັດ, ແລ້ວຄົນທຸກຢ່າງໃຫ້ເຂົ້າກັນ
- ຊິມ ແລະ ເພີ່ມລົດຊາດຕາມຕ້ອງການ