APA 6th ed. ປາເຄິງ / Asian Redtail Catfish. (2019, June 24). Retrieved from https://www.phakhaolao.la/kb/0000547
MLA 8th ed. ປາເຄິງ / Asian Redtail Catfish. Pha Khao Lao, 24 June 2019, https://www.phakhaolao.la/kb/0000547.
Chicago 17th ed. Pha Khao Lao. 2019. "ປາເຄິງ / Asian Redtail Catfish." Published June 24, 2019. https://www.phakhaolao.la/kb/0000547.
ປາເຄິງເປັນປານ້ຳຈືດຊະນິດນຶ່ງບໍ່ມີເກັດ ເປັນປາຂະໜາດໃຫຍ່ ຕະກຸນປາເຄິງຈະລວມມີທັງໝົົດກວ່າ 30 ຊະນິດ ແຕ່ລະຊະນິດ ຈະມີຄວາມແຕກຕ່າງກັນ ທາງດ້ານຮູບຮ່າງ ແລະ ສີສັນ, ຊະນິດທີ່ນຳມາລ້ຽງເອົາມາຈາກແມ່ນ້ຳຂອງ ມີຊື່ວິທະຍາສາດວ່າ Hymibagrus wychioides, ຊື່ພາສາອັງກິດ Red tail mystus, ຂະໜາດຄວາມຍາວສຸດ 130 cm (SL), ນ້ຳໜັກສຸດ 45-70 kg (Chaux and Fang, 1949). ແຜ່ຈະຈາຍຢູ່ທະວີບອາຊີບໍລິເວນຕອນກາງຂອງ ມະຫາສະມຸດດີນເດຍ ໄດ້ແກ່ປະເທດ ກຳປູເຈຍ, ຫວຽດນາມ, ລາວ, ໄທ, ແຫຼມມາລາ ຢູ່ເກາະບ໋ອກກຽວສຸມາຕາ ຂອງອິນໂດເນເຊຍ (Ng and Ranboth, 1999). ສຳລັບປະເທດລາວມີຢູ່ໃນແມ່ນ້ຳຂອງ ແລະ ສາຂາຂອງມັນ ມັກອາໃສຢູ່ລະດັບລຸ່ມຂອງແມ່ນ້ຳຂະໜາດກາງ ແລະ ໃຫຍ່ ທີ່ມີພື້ນເປັນຫິນແຮ່ ຫຼື ພະລານຫິີນ ມັກຢູ່ວັງນ້ຳເລິກໃນລະດູແລ້ງ (Ian G. Baird, 1999).
ປາເຄິງຈະບໍ່ມັກເຄື່ອນຍ້າຍຖິ່ນ ຈະວາງໄຂ່ໃນຖີ່ນທີ່ອາໄສຢູ່ ຈະເຂົ້າໄປຢູ່ບໍລິເວນປ່າທີ່ມີນ້ຳຖ້ວມໃນເວລາທີ່ມີນ້ຳຫຼາຍ ຊ່ວງເດືອນ 7-8 ສາກົນ (Fishbase, 2005). ຈະອອກໄຂ່ໃນຊ່ວງຕົ້ນລະດູຝົນ ແລະ ສາມາດປະສົມພັນໄດ້ຕັ້ງແຕ່ເດືອນ 5-7 ສາກົນ. ການລ້ຽງລູກປາເປັນປາພໍ່ແມ່ພັນ ປະສົມພັນໄດ້ຕ້ອງມີອາຍຸ 4 ປີ, ນ້ຳໜັກ 2.5 ກິໂລຫຣາມຂຶ້ນໄປ, ປາແມ່ຈະໃຫ້ໄຂ່ 15.000-20.000 ໜ່ວຍຕໍ່ນ້ຳໜັກປາ 1 ກິໂລກຣາມ.