ປາເຄິງ / Asian Redtail Catfish

ຊະນິດຮ່ວມ

ການນຳໃຊ້

ອາຫານ

ສີນຄ້າ

ຊື່ວິທະຍາສາດ / ຕະກຸນ

Hemibagrus wyckioides (P. W. Fang & Chaux, 1949) / Bagridae

ຊື່ພ້ອງ

Macrones wyckioides (Fang & Chaux, 1949)
Mystus wyckioides (Fang & Chaux, 1949)
Mystus aubentoni (Desoutter, 1975)

ຊື່ອື່ນ

Thai: Kherng
Cambodian: Trey Khya

ສະຖານະພາບການອະນຸລັກ

Least Concern

ພັນລະນາລັກສະນະສັນຖານ

ປາເຄິງເປັນປາທີ່ມີຮູບຮຽວຍາວ, ສ່ວນຫົວແຜ່ກ້ວາງ, ໜັງທີ່ມີຫາງສີແດງ ມີຄີຫຼັງ 7-8 ກ່າງ ແລະ ຄີກົ້ນ ມີ 12-14 ກ່າງ ມີໜວດ 4 ຄູ່ ແລະ ຄູ່ຕິດຮິມສົບເທິງຍາວເກືອບຮອດຄີໄຂມັນ, ປານ້ອຍຈະເປັນສີດໍາທັງໂຕ ເມື່ອໃຫຍ່ຂື້ນມາອາຍຸໄດ້ 4-5 ເດືອນຈະຄ່ອຍໆປ່ຽນສີເປັນສີແດງຢູ່ຫາງ ແລະ ຄີ, ສ່ວນພື້ນທ້ອງຈະເປັນສີຂາວ. ມີລວງຍາວເຖິງ 150 ຊັງຕີແມັດ.

ການສຶບພັນ ແລະ ວົງຈອນຊີວິດ

ສຶບພັນ: ປາຊະນິດນີ້ສາມາດສຶບພັນຕາມທໍາມະຊາດໄດ້ໃນລະດູຝົນ. ຄວາມດົກຂອງໄຂ່ຢູ່ລະຫວ່າງ 15,000 ໜ່ວຍ ຕໍ່ ປາ 1 ກິໂລກຣາມ. ຕາມຟາມຂະຫຍາຍພັນປາກໍ່ສາມາດປະສົມພັນປາເຄິງໄດ້ດ້ວຍ 2 ຮູບແບບຄື: ການປະສົມພັນແບບທຳມະຊາດ ແລະ ການປະສົມພັນທຽມ. ປາເຄິງພົບເຫັນຢູ່ແມ່ນໍ້າໃຫຍ່, ບ່ອນທີ່ມີນໍ້າໄຫຼພື້ນນໍ້າມີຫີນ, ເປັນປາທີ່ບໍ່ເຄື່ອນຍ້າຍເປັນກຸ່ມໃຫຍ່ ມີການເຄື່ອນເຂົ້າໄປຍັງທົ່ງນໍ້າຖ້ວມໃນເດືອນ 7-10. ພົບເຫັນໃນປະເທດ ລາວ, ໄທ, ກໍາປູເຈຍ, ແຫຼມມາລາຢູ່ເກາະບອກນຽວ ແລະ ຊາວາອິນໂດເນເຊຍ. ຢູ່ລາວເຮົາສາມາດພົບປາຊະນິດນີ້ໃນແມ່ນໍ້າຂອງ ແລະ ແມ່ນໍ້າສາຂາແມ່ນໍ້າຂອງເກືອບທຸກສາຂາ. ເປັນປາກິນຊີ້ນ (Carnivorous), ປູ, ປານ້ອຍ, ກຸ້ງ, ຫອຍ, ແມງໄມ້, ຂີ້ກະເດືອນ ແລະ ສາມາດຝຶກແອບໃຫ້ກິນອາຫານສຳເລັດຮູບໄດ້ ເຊັ່ນອາຫານປາດຸກ. ຊາວປະມົງຈັບປາຊະນິດນີ້ໄດ້ດ້ວຍ: ແຫ, ເບັດ, ຈັນ, ລອບ ແລະ ອື່ນໆ.

ເອກະສານອ້າງອີງ / ການອ້າງອີງ

ສົມພັນ ພິລາວົງ, ບຸນເກີດ ຄຳພິທັກ ແລະ ຄຳພັດ ແສງພະຈັນ. 2018. ການປະສົມພັນປາເຄິງ (Hemibagrus wyckioides) ຢູ່ສະຖານີຄົ້ນຄວ້າປາພື້ນເມືອງ. ວາລະສານຄົ້ນຄວ້າກະສິກຳ ແລະ ປ່າໄມ້, 39: 13-27.

ສົມບູນ, ຕິກ ນັ້ນທະວົງ, ລັດສະໜີ ພູນວິສຸກ ແລະ ເຊັ່ງທ່າວ. 2008. ບົດລາຍງານເຕັກນິກ ການສຶກສາຄົ້ນຄວ້າທົດລອງຄວາມອາດເປັນໄປໄດ້ ໃນການລ້ຽງປາເຄິງໃນກະຊັງ ເພື່ອສົມທຽບການຈະເລີນເຕີບໂຕລະຫວ່າງການນຳໃຊ້ອາຫານສຳເລັດຮູບ, ຫອຍ ແລະ ຂີ້ກະເດືອນ. ໜ້າ. 4-11.

ສູນຄົ້ນຄວ້າການປະມົງ, 2009. ບົດສັງລວມເຕັກນິກການລ້ຽງ ແລະ ຂະຫຍາຍພັນປາພື້ນປາພື້ນເມືອງ 9 ຊະນິດ, ໜ້າ 18.

ສົມພັນ ພິລາວົງ. 2011. ບົດໂຄງການຈົບຊັ້ນ ເລື່ອງສຶກສາການປະສົມພັນປາເຄິງໃນຮູບແບບທີ່ແຕກຕ່າງກັນ ຢູ່ສະຖານີຂະຫຍາຍພັນປາ ຫຼັກແປດ ແຂວງ ຈຳປາສັກ. ໜ້າ. 24-36.

ສົມພັນ ພິລາວົງ, 2012. ບົດສັງລວມຜົນການຄົ້ນຄວ້າປາພື້ນເມືອງ 9 ຊະນິດ ຢູ່ພາກໃຕ້ຂອງ ສປປ ລາວ. ໜ້າ. 21-30.

ສົມພັນ ພິລາວົງ, 2013. ບົດລາຍງານເຕັກນິກ ການປະສົມພັນປາເຄິງ ຢູ່ສະຖານີຄົ້ນຄວ້າປາພື້ນເມືອງ ບ້ານຫາດ ເມືອງໂຂງ ແຂວງ ຈຳປາສັກ, ໜ້າ 14.

ສົມພັນ ພິລາວົງ, ບູນເກີດ ຄຳພິທັກ, ຄຳຜັດ ແສງພະຈັນ ແລະ ສອນ ແສນວົງ, 2017. ການຈະເລີນເຕີໂຕຂອງ ປາເຄິງ ລ້ຽງໃສ່ກະຊັງໃນໜອງໂດຍການນຳໃຊ້ ອາຫານສາມປະເພດ ຢູ່ ແຂວງ ຈຳປາສັກ.

ຍົງຍຸດ, 2548. ການອະນຸບານລູກປາເຄິງ ເອກະສານວິຊາການ ສະບັບເລກທີ 29/2538 ກົມປະມົງນ້ຳຈືດ. ໜ້າ 26.

ອ່ຽນ ແບຣ໌ດ (Ian G. Baird), ວິໄຊ ອິນທະໄພສີ, ພົງສະຫວັດ ກິສຸວັນນະລາດ, ບຸນເພັງ ພິລາວັນ ແລະ ບຸນຮອງ ໝື່ນສຸພົນ. 1999. ປາພື້ນເມືອງຢູ່ພາກໃຕ້ຂອງລາວ. ໂຄງການປະມົງຊຸມຊົນ ແລະ ປົກປັກຮັກສາປາຂ່າ. ກະຊວງກະສິກຳ ແລະ ປ່າໄມ້. ໜ້າ 92.

ໄຊວຸດ ແລະ ຄະນະ, 2547. ເຕັກນິກການລ້ຽງປາກົດຄັງ, ສະຖາບັນການວິໄຈ ແລະ ພັດທະນາສັດນ້ຳ, ກົມປະມົງ. ໜ້າ 17.

Fishbase, 2005. Species summary: Hemibagrus wychioides. http://www. Fishbase. org.5, p Ng, H.H.and w.J. Ranboth, 1999. The bagrid catfish .from the Mekong River. Raffles Bull. Zod 47(2), 555p

Kottelat, M. 2001. Fishes of Laos. - WHT Publications, Colombo: 1-198.

Ng, H. H. and M. Kottelat. 2013. Revision of the Asian catfish genus Hemibagrus Bleeker, 1862 (Teleostei: Siluriformes: Bagridae). The Raffles Bulletin of Zoology 61(1): 205-291.

Philippe CACOT. 2007. Domestication of the indigenous fish species in Laos. CIRAD-Aquaculture Unit and NAFRI-LARReC project. Advances in the reproduction of several Mekong fish species performed with wild and captive fish breeders in the Champasak Province. P. 31-81.

Ratanatrivong, W. 2011. Breeding Enhancement of Red-tail Catfish, Hemibagrus wyckioides (Fang and Chaux, 1949) by Using Cyclodextrin Complex. Unpublished dissertation from the Graduate School of KU and KU Library: 34-51.

Somphanh Philavong and T.R., Preston, 2017. Biochar improves the protein-enrichment of cassava pulp by yeast fermentation in Living Aquatic Resource Research Centre (LARReC) http://www.lrrd.org/lrrd29/12/somp29241.html

Vidthayanon, C. 2012. Hemibagrus wyckioides. The IUCN Red List of Threatened Species 2012: e.T180905A1676163. http://dx.doi.org/10.2305/IUCN.UK.2012-1.RLTS.T180905A1676163.en. Downloaded on 10 June 2019.

ຜູ້ຮ່ວມມືໃນການສ້າງ

ສົມພັນ ພິລາວົງ ແລະ ຖາວອນ ພົມມະວົງ (ສູນຄົ້ນຄວ້າການປະມົງ, ສະຖາບັນຄົ້ນຄວ້າກະສິກຳ, ປ່າໄມ້ ແລະ ພັດທະນາຊົນນະບົດ)