ຫວາຍແຍ້ / Lizard Rattan
APA 6th ed. ຫວາຍແຍ້ / Lizard Rattan. (2019, October 18). Retrieved from https://www.phakhaolao.la/kb/0000028
MLA 8th ed. ຫວາຍແຍ້ / Lizard Rattan. Pha Khao Lao, 18 October 2019, https://www.phakhaolao.la/kb/0000028.
Chicago 17th ed. Pha Khao Lao. 2019. "ຫວາຍແຍ້ / Lizard Rattan." Published October 18, 2019. https://www.phakhaolao.la/kb/0000028.
Calamus heliotropium Buch.-Ham. ex Kunth
Palmijuncus tenuis (Roxb.) Kuntze
ວຽດນາມ: ເມີຍແດງ
ເປັນຫວາຍເກີດເປັນສຸມ, ເສັ້ນຍາວເຖີງ 20 ມ ແລະ ໝ້າຕ້າງ 0.8-1.6 ຊມ. ກາບໃບ (ລວມທັງລໍາ) ມີໝ້າຕ້າງ 1-2.5 ຊມ, ສີຂຽວ ແຕ່ມັກມີແຊກເສັ້ນສີຂາວແກມ ເມື່ອມັນຍັງອ່ອນ. ໜາມທີ່ມີລັກສະນະຄືເຂັມເປັນສີຂຽວ ປາຍດໍາ, ຍາວ 0.5-2 ຊມ. ສ່ວນກົກຂອງໜາມກົ່ງ ແທນທີ່ຈະຊື່ ຄືກັນຫວາຍຊະນິດອື່ນ. ຫູກາບໃບນ້ອຍ, ແຫ້ງບໍ່ມີໜາມ ຫຼື ຂົນ ແລະ ໃບຍາວ 0.6-1 ມ. ໃບຍ່ອຍລຽງສະເໝີມີກ້ານຍາວ 8-15 ຊມ. ຊໍ່ດອກຍາວ 1.5-2.5 ມ ລວມທັງມືເກາະ ແລະ ມີດອກທີ່ມີກາບດອກເປັນສີສົດໃສ (perianth). ໝາຫມີຂະໜາດ 1.4 ຊມ x 0.8 ຊມ ມີເກັດສີຂາວ ຫຼື ເຫຼືອງຈືດ ແລະ ຂ້າງໃນແກ່ນບໍ່ເປັນຄອງວໍ້າເຂົ້າ. ຫວາຍແຍ້ເປັນຫວາຍທີ່ສາມາດຂະຫຍາຍພັນງ່າຍ ແລະ ກໍ່ໄດ້ມີການເລີ່ມປູກກັນມາຕັ້ງແຕ່ ປີ 1994. ໃນປີ 2005 ໄດ້ມີການປູກເຖີງ 188 ຮຕ. ມັນເປັນຫວາຍທີ່ໃຫຍ່ໄວ ຖ້າສົມທຽບໃສ່ຫວາຍຊະນິດອື່ນໝ ແລະ ຖ້າປູກຢູ່ໃນບ່ອນທີ່ມີດິນອຸດົມສົມບູນ ຈະສາມາດຕັດຍອດໄດ້ ຫຼັງຈາກປູກໄດ້ 7 ເດືອນ. ໝາກຂອງມັນມີລົດຊາດແຊບ ແລະ ກໍ່ສາມາດຂາຍໄດ້.
ລຳຂະໜາດກາງ ສາມາດນຳໃຊ້ຜະລິດເປັນກະຕ່າ ແລະ ຕັ້ງຫວາຍ, ໃນລາວເຮົາສ່ວນຫຼາຍແມ່ນປູກເອົາຍອດເພື່ອຂາຍ ແລະ ປຸງແຕ່ງເປັນອາຫານ.