ເກດສະໜາ / Agarwood

ລັກສະນະຂອງພື້ນທີ່ປູກ, ອາກາດ ແລະ ປະລິມານນ້ຳຝົນ

ລະສະນະຂອງພື້ນທີ່: ເປັນພື້ນທີ່ບໍ່ສູງຊັນເກີນໄປ, ໃນມູມຄ່ອຍຊັນ 10-35 ອົງສາແມ່ນມີຄວາມເໝາະສົມ, ລັກສະນະຂອງດິນເປັນດິນພຸຜຸຍເປັນດິນທີ່ມີຄວາມອຸດົມສົມບູນ.

ສະພາບອາກາດ: ລະດັບຄວາມສູງ 300-1000 ມ, ມີອາກາດເຢັນເລັກນ້ອຍເວລາກາງຄືນ, ມີໝອກປົກຄຸມເປັນບາງລະດູ, ອຸນຫະພູມໃນລະດູຝົນປະມານ 13 ອົງສາ ແລະ ສູງສຸດປະມານ 35 ອົງສາ ອຸນຫະພູມນີ້ເໝາະແກ່ການປູກໄມ້ເກດສະໜາ ຫຼື ພືດອຸດສາຫະກຳ ແລະ ຕົ້ນໄມ້ໃຫ້ໝາກຫຼາຍຊະນິດໄດ້ດີ.

ປະລິມານນ້ຳຝົນ: ເປັນປັດໄຈຫຼັກໃນການປູກໄມ້ເກດສະໜາ, ຖ້າປະລິມານນ້ຳຝົນບໍ່ພຽງພໍ ຫຼື ຂາດອາດເຮັດໃຫ້ໄມ້ເກດສະໜາຕາຍໄດ້, ໂດຍສະເລ່ຍປະລິມານນ້ຳຝົນແມ່ນ 2500-3000 ມມ/ປີ, ຫຼື ອາດມີຫ້ວຍນ້ຳໄຫຼເກືອບຕະຫຼອດປີ ຫຼື ນ້ຳໃນຊ່ວງລະດູແລ້ງແຕ່ໄລຍະສັ້ນ, ແຕ່ຊ່ວງນີ້ຈະມີນ້ຳໝອກລ້ຽງໃບຕະຫຼອດ.

ຮູບພາບຈາກ: ໄມ້ເກດສະໜາ