ລາບໝາກລີ້ນໄມ້
ໝາກລີ້ນໄມ້ ຫຼື ໝາກອີງກາ ໃນພາກເໜືອຂອງລາວ ນິຍົມນຳມາປຸງແຕ່ງເປັນອາຫານໄດ້ຫຼາຍປະເພດເຊັ່ນ: ລາບເປັນຕົ້ນ
ເຮືອນຄົວລາວ
phakhaolao.la
ສ່ວນປະກອບ
- ຊີ້ນງົວ 0,5 kg
- ໜາກລິນໄມ້ 1 ໜ່ວຍ
- ເຂົ້າຂົ້ວບົດລະອຽດ 2 ບ່ວງກາເຟ
- ຫອມລາບ 10 ຍອດ
- ຫອມປ້ອມ 4 ຕົ້ນ
- ໜາກເຜັດດິບ 4 ໜ່ວຍ
- ນໍ້າປາ 2 ບ່ວງກາເຟ
ວິທີປຸງແຕ່ງ
- ເອົາຊີ້ນງົວລ້າງນໍ້າໃຫ້ສະອາດແລ້ວຊອຍເປັນຕ່ອນໃຫຍ່ ແລ້ວນໍາໄປປີ້ງໃຫ້ສຸກ
- ເອົາໝາກລິ້ນໄມ້ເຜົາໄຟໃຫ້ສຸກດີ ແລ້ວລ້າງນໍ້າໃຫ້ສະອາດ ຊອຍຕາມລວງຂວາງບາງໆ
- ໝາກເຜັດ,ຫອມປ້ອມ,ຫອມລາບ ລາງນໍ້າໃຫ້ສະອາດຊອຍເປັນຕ່ອນແລບໆປະໄວ້
- ນໍາເອົາຊີ້ນປີ້ງພ້ອມກັບໝາກລິ້ນໄມ້ທີ່ຊອຍປະໄວ້ມາປຸງລົດດ້ວຍນໍ້າປາ, ເຂົ້າຂົ້ວ, ໝາກເຜັດ ຊີມລົດຊາດແລ້ວຈຶ່ງນໍາເອົາຫອມປ້ອມ, ຫອມລາບຄົນໃຫ້ເຂົ້າກັນອີກເທື່ອໜຶ່ງແລ້ວຈຶ່ງຕັກໃສ່ຈານພ້ອມເສີບ
ແນະນຳ: ວິທີເຮັດໃຫ້ໝາກລິ້ນໄມ້ບໍ່ຂົ່ມຫຼາຍແມ່ນເອົາໝາກລິ້ນໄມ້ທີ່ເຜົາສຸກມາຊອຍແລ້ວແຊ່ນໍ້າເກືອໂດຍໃສ່ເກືອປະມານ 4-5 ບ່ວງ ຄົນແລ້ວປະໄວ້ປະມານ 5 ນາທີ ແລ້ວນໍາມາລ້າງໃຫ້ສະອາດ ແລ້ວຈຶ່ງນໍາໄປລາບ