ໝົກໝາກລີ້ນໄມ້
ໝົກໝາກລີ້ນໄມ້ ໃສ່ໃບຕອງ ຖືໄດ້ວ່າເປັນອາຫານພື້ນເມືອງ ແລະ ທ້ອງຖິ່ນດັ້ງເດີມຂອງປະເທດລາວ ເຊິ່ງຈະມີລົດຊາດຂົມອ່ອນໆຈາກໝາກລີ້ນໄມ້ ແຕ່ຈະຫອມດ້ວຍເຄື່ອງເທດສະໝຸນໄພທີ່ປະສົມປຸ່ງແຕ່ງເຂົ້າ ຈົນໄດ້ລົດຊາດທີ່ແຊບ
ເຮືອນຄົວລາວ
phakhaolao.la
ສ່ວນປະກອບ
- ໝາກລິ້ນໄມ້ 3 ຝັກ(ເຜົາສຸກ)
- ຊີ້ນໝູບົດ 1 ຖ້ວຍນ້ອຍ
- ເຂົ້າເບືອ 1 ກຳມື
- ຫົວສີໄຄ 3 ຫົວ
- ໃບຂີ້ຫູດ 3 ໃບ
- ຫອມບົ່ວໃບ 1 ກຳມື
- ຫອມບົ່ວແດງ 5 ຫົວ
- ໝາກເຜັດດິບ 5 ໝາກ
- ໃບຕອງ
- ປາແດກ 2 ບ່ວງແກງ
- ນໍ້າປາ 2 ບ່ວງຊາ
ວິທີປຸງແຕ່ງ
- ກຽມໝໍ້ໜື້ງໄວ້ໃຫ້ຮ້ອນດີ ອາດຈະໃຊ້ຫວດໜື້ງ ຫຼື ໝໍ້ຊຶງກໍໄດ້
- ຕໍາຫົວສີໄຄ,ຫອມບົ່ວແດງ, ເຂົ້າເບືອ, ໝາກເຜັດ ໃຫ້ລະອຽດດີ ປະໄວ້ກ່ອນ
- ຊອຍໃບຂີ້ຫູດເປັນຕ່ອນນ້ອຍໆ.
- ຊອຍໝາກລິນໄມ້ ຂະໜາດຕາມໃຈມັກ.
- ເອົາໝາກລິ່ນໄມ້ມາຄົນໃສ່ກັບຊີ້້້ນໝູ, ໃສ່ເຂົ້າເບືືອ, ໃບຂີ້ຫູດ.ຫອມບົ່ວ ແລະ ເຄື່ອງທີ່ເຮົາຕຳໄວ້ແລ້ວນັ້ນ ປຸງລົດຊາດຕາມໃຈມັກ,ແລ້ວເອົາໃບຕອງມາຫໍ່ ຂະໜາດພໍດີ
- ນຳໄປໜື້ງ ໃຊ້ໄຟແຮງ ໜື້ງປະມານ 60 ນາທີ ຫລື ຈົນກວ່າໝົກຈະສຸກດີ.
- ປົງລົງປະໃຫ້ເຢັນກໍເປັນອັນວ່າຮຽບຮ້ອຍພ້ອມຮັບປະທານ
ໝາກລີ້ນໄມ້ ສາມາດນຳມາປະກອບອາຫານໄດ້ຫຼາຍຢ່າງບໍວ່າຈະເປັນໝົ້ກ, ຊຸບ ຫຼື ນຳມາເປັນຜັກກັບກິນກັບປົ່ນ, ປີ້ງໄດ້ຕາມໃຈ. ນອກນີ້ຍັງມີສັບພະຄຸນເປັນຢາປິ່ນປົວທ້ອງບິດ ແລະ ຮັກສາອາການອາຫານຍ່ອຍຍາກ
