ເອາະໜໍ່ໄມ້ສົ້ມໃສ່ກົບ
ໜໍ່ໄມ້ສາມາດນຳມາແປຮູບອາຫານໄດ້ຫຼາກຫຼາຍວິທີ ບໍ່ວ່າຈະເປັນໜໍ່ໄມ້ຖົງ ຫຼື ໜໍ່ໄມ້ສົ້ມ
ເຮືອນຄົວລາວ
phakhaolao. la
ສ່ວນປະສົມ
- ກົບ 2 ໂຕໃຫ່ຍ
- ໜໍ່ໄມ້ສົ້ມ 1 ຖ້ວຍນ້ອຍ
- ຫອມບົ່ວໃບ 3 ຕົ້ນ
- ຜັກຊີ 1ມັດນ້ອຍ
- ຜັກອີ່ຕູ່ 1 ມັດນ້ອຍ
- ໝາກເຜັດ 4-5 ໜ່ວຍ (ຕາມຕ້ອງການ)
- ຜັກທຽມ 1 ຫົວ
- ຫົວສີໄຄ 2 ຫົວ
- ເຂົ້າເບືອ 1 ຖ້ວຍນ້ອຍ ຕຳໃຫ້ລະອຽດ
- ເກືອ ½ ບ່ວງແກງ
- ສຳລັບ 2 ຖ້ວຍ
ວິທີປຸງແຕ່ງ
- ນຳກົບມາລ້າງໃຫ້ສະອາດ ແລ້ວຕັດເປັນຕ່ອນ ຂະໜາດຕາມຕ້ອງການ
- ຄ້າງໝໍ້ປະໄວ້ໃຫ້ເດືອດ
- ນຳໝາກເຜັດ, ຫົວຜັກທຽມ ໄປຈີ່ ເພື່ອກິ່ນຫອມ
- ທຸບຫົວສີໄຄ, ຊອຍໝາກເຜັດ ແລະ ລ້າງໜໍ່ໄມ້ສົ້ມ 2-3 ນ້ຳ, ນຳໄປຕົ້ມປະມານ 10 ນາທີ ໃນໝໍ້ນ້ຳທີ່ຄ້າງປະໄວ້
- ໃສ່ກົບລົງໄປ ຕົ້ມຈົນນ້ຳຟົດ ແລ້ວໃສ່ເຂົ້າເບືອ, ປິດຝາປະໄວ້ 15 ນາທີ
- ໃສ່ຜັກອີຕູ່ ແລະ ຜັກຊີ ປິດຝາໄວ້ 2-3 ນາທີ
- ໃສ່ຫອມບົ່ວໃບ, ປິດໄຟ ແລະ ຕັກໃສ່ຖ້ວຍພ້ອມຮັບປະທານ