ໄມ້ຊອດ / Membranous Bamboo
APA 6th ed. ໄມ້ຊອດ / Membranous Bamboo. (2021, August 31). Retrieved from https://www.phakhaolao.la/kb/0000056
MLA 8th ed. ໄມ້ຊອດ / Membranous Bamboo. Pha Khao Lao, 31 August 2021, https://www.phakhaolao.la/kb/0000056.
Chicago 17th ed. Pha Khao Lao. 2021. "ໄມ້ຊອດ / Membranous Bamboo." Published August 31, 2021. https://www.phakhaolao.la/kb/0000056.
ໄມ້ຊອດ ເກີດເປັນສຸມ, ທີ່ມີຂະໜາດເສັ້ນຜ່າກາງ ລະຫວ່າງ 1-1.5 ມ ສູງປະມານ 14 ມ. ລໍາມີເສັ້ນຜ່າກາງ ລະຫວ່າງ 4-6 ຊມ, ມີເນື້ອໜາປະມານ 0.4 ຊມ, ປ້ອງຍາວ ລະຫວ່າງ 50-60 ຊມ ແລະ ມີປ່າສີຂຽວອ່ອນ ຈັບຢູ່ຕາມລໍາແກ່. ແໜງທໍາອິດ ມັກພົບເຫັນຢູ່ ລະຫວ່າງ 4-5 ມ ເທິງໜ້າດິນ. ກາບລາງ ມີຂະໜາດ 21 x 30 ຊມ, ສີດຳ ແລະ ເຫຼືອງອ່ອນ ແລະ ມີຂົນແຕ່ສວ່ນກາງຂື້ນໄປຫາປາຍກາບ. ຍອດກາບລາງ ລ່ອມລົງ ມີຂະໜາດ 9-11 ຊມ ແລະ ມີຫູກາບຂະໜາດ 2.5-9 ຊມ, ມີຂົນ. ກຸ່ມໃບຍ່ອຍ ມີຈໍານວນ 9-13 ໃບ ແຕ່ລະໃບມີຂະໜາດ 6 x 30 ຊມ. ໜໍ່ມີລົດຂົມ.
ໄມ້ຊອດອ່ອນ ໃຊ້ໄດ້ດີໃນການຈັກສານ ແລະ ໄມ້ແກ່ ດີສໍາລັບເຮັດຝາເຮືອນ (ຢູ່ໄດ້ດົນເຖິງສິບປີ), ເຮັດຟາກ, ເຮັດຫຼັກ ແລະ ເຄື່ອງມືຫາປາຕ່າງໆ. ການຕັດລໍາທີ່ແກ່ ແຕ່ສາມປີຂື້ນໄປ ແມ່ນມີການຕັດກັນຕະຫຼອດປີ,ໜໍ່ສາມາດບໍລິໂພກໄດ້.