ຜັດກະເພົາກົບນາ
ຜັດກົບໃສ່ກະເພົາ ຫອມໆ ແລະ ຍັງອຸດົມໄປດ້ວຍໂພຊະນາການທີ່ເປັນປະໂຫຍດຕໍ່ສຸຂະພາບ ຈາກຜັກກະເພົາ ເຊັ່ນ ແກ້ທ້ອງອືດ, ຂັບລົມ, ບຳລຸງທາດ ເປັນຕົ້ນ
ເຮືອນຄົວລາວ
phakhaolao. la
ສ່ວນປະສົມ
- ກົບ 5 ໂຕ
- ກະທຽມ 4-5 ກີບ
- ໝາກເຜັດ 8-10 ໜ່ວຍ (ປະລິມານຕາມຕ້ອງການ)
- ກະເພົາ 1 ຖ້ວຍນ້ອຍ
- ຫອມມບົ່ວໃບ 1 ຖ້ວຍນ້ອຍ (ຊອຍ)
- ນ້ຳມັນພືດ 2 ບ່ວງແກງ
- ຊ໋ອດຫອຍນາງລົມ 1 ບ່ວງແກງ
- ເກືອ 1 ບ່ວງຊາ
- ສະອິວ 1 ບ່ວງແກງ
- ນ້ຳ ½ ກາເຟ
ວິທີປຸງແຕ່ງ
- ຄົວກົບ ແລ້ວຕັດເປັນຕ່ອນ ຂະໜາດ 2-3 ຊມ
- ໃສ່ເກືອ, ສະອິວ ແລະ ຫອຍນາງລົມ ລົງໃນຖ້ວຍກົບ ເພື່ອຄົນໃຫ້ເຂົ້າກັນ
- ຕຳກະທຽມ
- ຕຳໝາກເຜັດ
- ຊອຍຫອມບົ່ວໃບ ແລະ ໃບກະເພົາ
- ຄ້າງໝໍ້ໃຫ້ຮ້ອນ ໃສ່ນ້ຳມັນ ເພື່ອກຽວກະທຽມ ໃຫ້ເປັນສິເຫຼືອງອ່ອນ, ຕາມດ້ວຍໝາກເຜັດ ແລະ ກົບ
- ຄົນ 4-5 ນາທີ ເພື່ອໃຫ້ກົບສຸກ, ແລ້ວໃສ່ນ້ຳ ຕາມດ້ວຍໃບກະເພົາ ແລະ ຫອມບົ່ວ
- ລໍຖ້າ 2-3 ນາທີ, ຊິມ ແລະ ເພີ່ມລົດຊາດຕາມຕ້ອງການ
- ຕັກໃສ່ຖ້ວຍພ້ອມຮັບປະທານ