ການເຮັດຊີ້ນແດດດຽວ

ຊີ້ນແດດດຽວປຸງແຕ່ງດຽວເຄື່ອງເທດດ້ວຍສະໝຸນໄພຫຼາກຫຼາຍບໍ່ວ່າຈະເປັນຜັກຊີທີ່ມີສັບພະຄຸນບັນເທົາອາການໄອ, ໝາກພິກໄທຊ່ວຍສະລາຍໄຂມັນ ແລະ ກະທຽມຊ່ວຍຮັກສາອາການເຈັບທ້ອງເປັນຕົ້ນ.

ສ່ວນປະສົມ

1. ຊີ້ນງົວ ເຄິ່ງກິໂລ
2. ນ້ຳມັນຫອຍ 1 ບ່ວງແກງ
3. ຮາກຫອມປ້ອມ 5 ຮາກ
4. ນ້ຳປາ 1 ບ່ວງແກງ
5. ງາຂາວ 2 ບ່ວງແກງ
6. ນ້ຳຕານຊາຍ 1 ບ່ວງກາເຟ
7. ກະທຽມ 2-3 ປ່ຽງ
8. ພິກໄທເມັດປະມານ 1 ບ່ວງກາເຟ.

ວິທີປຸງແຕ່ງ

1. ນຳຊີ້ນຕັດເປັນຕ່ອນພໍດີບໍ່ນ້ອຍ, ບໍ່ບາງ ຫຼື ໜາເກີນໄປ.
2. ນຳຮາກຫອມປ້ອມ ແລະ ພິດໄທມາຕຳໃຫ້ລະອຽດກ່ອນນຳລົງໄປປຸງ ຫຼັງຈາກນັ້ນນຳເຄື່ອງເທດຕ່າງໆທີ່ກຽມໄວ້ມາປະສົມໃຫ້ເຂົ້າກັບຊີ້ນ
3. ເມື່ອປະສົມຮຽບຮ້ອຍແລ້ວໃຫ້ນຳເອົາໄປຕາກແດດປະມານ 4-5 ຊົ່ວໂມງ (ຫາກແດດກ້າຕາກພຽງ 3 ຊົ່ວໂມງກໍໄດ້ແລ້ວ  ເວລາຕາກຄວນປີ້ນດ້ານເພື່ອເຮັດໃຫ້ຊີ້ນແຫ້ງດີ)
4. ຫຼັງຈາກນັ້ນກໍສາມາດນຳມາປຸງແຕ່ງອາຫານໄດ້ ໂດຍການທອດ ຫຼື ຈີ່ ຫາກນຳມາຮັບປະທານກັບເຂົ້າໜຽວໜຶ້ງຮ້ອນໆ ແລະ ແຈ່ວລົດຊາດຈະແຊບຫຼາຍກວ່າ.

ທີ່ມາ:ຄູ່ມືການເພີ່ມສັກກະຍາພາບການຜະລິດງົວຊີ້ນຈາກການຈັດການຄວາມຮູ້ ແລະ ເຕັກໂນໂລຊີ.(ພາສາໄທ)