ວິທີເຮັດເຂົ້າຕົ້ມໝູ ຂອງຊົນເຜົ່າຫງ້ວນ
ແນະນໍາວິທີເຮັດເຂົ້າຕົ້ມໝູ ສະບັບຊົນເຜົ່າຫງ້ວນ ບ້ານກວນຂະໂຍມ ເມືອງບົວລະພາ ແຂວງຄໍາມ່ວນ
ເຮືອນຄົວລາວ
www.phakhaolao.la
ການເຮັດເຂົ້າຕົ້ມໝູ ຂ້ອນຂ້າງຈະງ່າຍ, ມີສ່ວນປະກອບໜ້ອຍ ແລະ ອຸດົມໄປດ້ວຍສານອາຫານ ແນະນໍາວິທີເຮັດເຂົ້າຕົ້ມໝູ ສະບັບຊົນເຜົ່າຫງ້ວນ ບ້ານກວນຂະໂຍມ ເມືອງບົວລະພາ ແຂວງຄໍາມ່ວນ
ສ່ວນປະກອບ:
- ຖົ່ວເຫຼືອງ 400 ກຣາມ
- ເຂົ້າໜຽວ 3 ກິໂລ
- ຊີ້ນໝູຕິດມັນ 1 ກິໂລ
- ໃບຫອມບົ່ວ 20 ຕົ້ນ
- ໃບຕອງ 3-4 ໃບ
- ເກືອ 4 ບ່ວງກາເຟ
ວິທີເຮັດ
- ນຳເຂົ້າ ແລະ ຖົ່ວເຫຼືອງ ໄປແຊ່ນ້ຳປະມານ 3 ຊົ່ວໂມງ ຫຼື 1 ຄືນກໍໄດ້
- ຈາກນັ້ນນຳຖົ່ວເຫຼືອງໄປໜຶ້ງປະມານ 20 ນາທີ ແລ້ວນໍາໄປຕຳໃຫ້ລະອຽດ
- ຊອຍໃບຫອມບົ່ວໃຫ້ໄດ້ຂະໜາດນ້ອຍຕາມທີ່ຕ້ອງການ
- ຕັດຊີ້ນໝູເປັນຕ່ອນໃຫ້ໄດ້ຂະຫນາດທີ່ຕ້ອງການ
- ເຊັດໃບຕອງໃຫ້ສະອາດ
- ນຳເຂົ້າ, ຖົ່ວເຫຼືອງ, ຊີ້ນໝູ ແລະ ຫອມ ທີ່ກຽມໄວ້ລົງໃນຕອງຕາມລຳດັບ ແລະ ນຳຊີ້ນໝູ, ຖົ່ວເຫຼືອງ ແລະ ເຂົ້າ ເພີ່ມໃສ່ອີກຊັ້ນແລ້ວຈຶ່ງຫໍດ້ວຍໃບຕອງ, ຫຼັງຈາກນັ້ນໃຊ້ຕອກ ຫຼື ເຊືອກມັດໃຫ້ແໜ້ນ
- ຈາກນັ້ນນຳໄປໃສ່ໝໍ້ຕົ້ມ ໂດຍຕື່ມນ້ຳໃຫ້ພໍດີຖ້ວມ ແລ້ວຕົ້ມປະໄວ້ປະມານ 1 ຊົ່ວໂມງ ຫຼື ຈົນກ່ວາສຸກ