Cite
APA 6th ed. ໝູລາດ / Domestic Pig. (2022, January 1). Retrieved from https://www.phakhaolao.la/kb/0000995
MLA 8th ed. ໝູລາດ / Domestic Pig. Pha Khao Lao, 1 January 2022, https://www.phakhaolao.la/kb/0000995.
Chicago 17th ed. Pha Khao Lao. 2022. "ໝູລາດ / Domestic Pig." Published January 1, 2022. https://www.phakhaolao.la/kb/0000995.
1. ຄຸນປະໂຫຍດດ້ານໂພຊະນາການ
- ຊີ້ນໝູເປັນແຫຼ່ງທາດຊີ້ນທີ່ສໍາຄັນທີ່ສຸດ ແລະ ໄດ້ຮັບຄວາມນິຍົມສູງສຸດໃນປະຈຸບັນ, ຊີ້ນສັນໃນເປັນຊີ້ນທີ່ມີຄຸນນະພາບ (ທາດຊີ້ນ) ຫຼາຍທີ່ສຸດ ແລະ ຍັງອຸດົມໄປດ້ວຍສານອາຫານອືື່ນໆ ເຊັ່ນ: ວິຕາມິນບີ 1, ວິຕາມິນເອ, ຟົດສະຟໍລັດ ແລະ ວິຕາມີນບີ 3.
- ຊີ້ນໝູເນື້ອແດງມີທາດຊີ້ນ 22,8%, ໄຂມັນ 1,2%, ເຖົ່າ 1.1%, ນ້ຳ 75%.
2. ການສ້າງລາຍໄດ້
- ການລ້ຽງໝູຂຸມເປັນເຕັກນິການລ້ຽງທີ່ໃຊ້ຕົ້ນທຶນການລ້ຽງຕ່ຳ ເພາະເປັນການນໍາໃຊ້ວັດຖຸດິບໃນທ້ອງຖິ່ນທີ່ມີລາຄາຖືກ ແລະ ນໍາໃຊ້ເສດເຫລືອຈາກຄົວເຮືອນມາປຸງແຕ່ງເປັນອາຫານ.
- ຊີ້ນໝູມີເນື້ອແໜ້ນ, ມີໄຂມັນໜ້ອຍ, ປອດສານພິດ, ບໍ່ເປັນອັນຕະລາຍຕໍ່ຜູ້ບໍລິໂພກ ແລະ ເປັນທີ່ຕ້ອງການຂອງຕະລາດທົ່ວໄປ.
- ເປັນເຕັກນິກທີ່ດີເພາະບໍ່ທໍາລາຍສະພາບແວດລ້ອມໂດຍສະເພາະການລ້ຽງໃນເຂດຊຸມຊົນ.
- ໝູຢູ່ສະບາຍ, ບໍ່ເຈັບຂໍ້ຕີນ, ຂໍ້ຂາ, ບໍ່ແພ້ຜິວໜັງ.
- ປະຢັດແຮງງານ ແລະ ນ້ຳໃນການອະນາໄມຄອກ.
- ການລ້ຽງໝູ ຂຸມສາມາດຫຼຸດຕົ້ນທຶນການຜະລິດໄດ້ເຖິງ 50%, ຊາວກະສິກອນຈະມີລາຍຮັບຈາກການລ້ຽງໝູເພີ່ມຂຶ້ນ.
- ຂີ້ສັດ ແລະ ວັດຖຸທີ່ຍ່ອຍສະລາຍຈະຖືກໝັກໂດຍເຊື້ອຈຸລິນຊີທີ່ມີປະໂຫຍດ ເຮັດໃຫ້ກາຍເປັນຝຸ່ນທີ່ດີໃນການປັບປຸງດິນຊຶ່ງເປັນປະໂຫຍດ ຕໍ່ການຈະເລີນເຕີບໂຕຂອງພືດ ແລະ ສາມາດນໍາໄປໃຊ້ກັບໜອງປາໄດ້ອີກດ້ວຍ.