APA 6th ed. ນົກກະທາ / Common Quail. (2021, February 23). Retrieved from https://www.phakhaolao.la/kb/0000991
MLA 8th ed. ນົກກະທາ / Common Quail. Pha Khao Lao, 23 February 2021, https://www.phakhaolao.la/kb/0000991.
Chicago 17th ed. Pha Khao Lao. 2021. "ນົກກະທາ / Common Quail." Published February 23, 2021. https://www.phakhaolao.la/kb/0000991.
ພະຍາດ ແລະ ການປ້ອງກັນ
ພະຍາດຂອງນົກກະທາ: ພະຍາດທີ່ເກີດກັບນົກກະທາຄ້າຍຄືກັນກັບໄກ່ ແຕ່ນົກກະທາມີຄວາມຕ້ານທານພະຍາດໄດ້ຫລາຍກວ່າໄກ່, ມີ
ຫຼາຍພະຍາດທີ່ແຜ່ຕິດຕໍ່ຈາກແມ່ນົກໄປສູ່ໄຂ່ ເຮັດໃຫ້ໂຕອ່ອນໃນໄຂ່ໄດ້ຮັບໄພຈາກເຊື້ອພະຍາດໃນລະຫວ່າງການຟັກໄຂ່ເຊັ່ນ: ຈຳພວກຊັນໂມເນລລາ, ໄມໂຄພັສມາ, ໄວລັດຂອງພະຍາດໄຂ້ສະໝອງອັກເສບ ພວກ lym-phoid leukosis,ພະຍາດຫລອດລົມອັກເສບ, ພະຍາດນິວຄາສເຊີນ. ສຳລັບພະຍາດທີ່ເກີດກັບນົກກະທາ ທັງຕິດຕໍ່ ແລະ ບໍ່ຕິດຕ່ໍເທົ່າທີ່ພົບແລ້ວໄດ້ແກ່: ພະຍາດນິວຄາສເຊີນ, ຝີດາດ, ຫວັດມີເຊື້ອ, ບິດມີເລືອດ, ມາເລັກເປັນຕົ້ນ. ນອກຈາກນີ້ພະຍາດຕ່າງໆທີ່ພົບໃນໄກ່ກໍ່ອາດພົບໃນນົກກະທາໄດ້ໃນປະຈຸບັນມີການພົບການລະບາດຂອງພະຍາດນິວຄາສເຊີນໃນນົກກະທາ ແຕ່ການຕາຍຈະບໍ່ຮ້າຍແຮງຄືກັບໄກ່.
ການປ້ອງກັນ:
ວິທີປ້ອງກັນຮັກສາພະຍາດຕ່າງໆ ກໍ່ຄ້າຍຄືກັບໄກ່ ແລະ ເປັດ ເຊິ່ງຕ້ອງອາໄສຫລັກ ແລະ ວິທີການຕ່າງໆ
ທັງການລະວັງບໍ່ໃຫ້ເຊື້ອແພ່ເຂົ້າມາ ແຕ່ຕ້ອງມີການຮັກສາສຸຂະພາບອະນາໄມຕະຫລອດ, ວິິທີການເລົ່ານີ້ມີຜົນໂດຍຕົງຕໍ່ການປ້ອງກັນເຊື້ອພະຍາດສຳລັບນົກທີ່ມາຈາກຟາມອື່ນ ຄວນແຍກໄວ້ຕ່າງຫາກກ່ອນສັກໄລຍະໜື່ງບໍ່ຟ້າວເອົາມາລ້ຽງປົນກັບນົກໃນຝູງ ເພື່ອໃຫ້ແນ່ໃຈວ່າຈະບໍ່ເປັນການນຳພະຍາດຈາກພາຍນອກເຂົ້າມາໃສ່ຝູງ. ຫລັກການຮັກສາຄວາມປອດໄພຈາກພະຍາດຄວນມີດັ່ງນີ້:
1. ຄວນຊື້ໄຂ່ ຫລື ນົກ ຈາກຟາມທີ່ຢູ່ໂດດດ່ຽວ ແລະ ຫ່າງຈາກຟາມສັດປີກຕ່າງໆ.
2. ຄວນຊື້ນົກຈາກບ່ອນທີ່ແນ່ໃຈວ່າປອດໄພຈາກພະຍາດຕິດຕ່ໍຕ່າງໆ ໂດຍມີບັນທຶກ ຫລື ການຮັບຮອງການໃຫ້ວັກຊິນຕ່າງໆ ແລະ ການໃຊ້ຢາປ້ອງກັນພະຍາດຕ່າງໆໃນລະຫວ່າງການລ້ຽງນົກນັ້ນໆ.
3. ຕ້ອງມີການດຳເນີນການເຮັດວັກຊິນຕາມກຳນົດເວລາ ເພື່ອປ້ອງກັນພະຍາດ.
4. ບໍ່ຄວນໃຊ້ໄຂ່ຟັກຈາກຝູງນົກທີ່ກຳລັງປ່ວຍ.
5. ຄວນຊື້ສະເພາະໄຂ່ຟັກ ຫລື ລູກນົກຈາກຝູງທີ່ໄດ້ກວດກາ ແລະ ປອດໄພຈາກພະຍາດຂີ້ຂາວ.
6. ຄວນກວດກາຝູງນົກ ແລະ ຕູ້ໄຂ່ເປັນປະຈຳ ເພື່ອຮັກສາຄວາມສະອາດ ແລະ ປ້ອງກັນພະຍາດ.
ສຳລັບພະຍາດທີ່ເກີດກັບນົກກະທາ ທັງຕິດຕໍ່ ແລະ ບໍ່ຕິດຕ່ໍເທົ່າທີ່ພົບແລ້ວໄດ້ແກ່: ພະຍາດນິວຄາສເຊີນ, ຝີດາດ, ຫວັດມີເຊື້ອ, ບິດມີເລືອດ, ມາເລັກ ເປັນຕົ້ນ. ນອກຈາກນີ້ພະຍາດຕ່າງໆທີ່ພົບໃນໄກ່ກໍ່ອາດພົບໃນນົກກະທາໄດ້ ໃນປະຈຸບັນມີການພົບການລະບາດ ຂອງພະຍາດນິວຄາສເຊີນໃນນົກກະທາ ແຕ່ການຕາຍຈະບໍ່ຮ້າຍແຮງຄືກັບໄກ່.