ໄຄ / River weed

ໄຄດິບປະກອບດ້ວຍສານອາຫານທີ່ເປັນປະໂຫຍດຕໍ່ຮ່າງກາຍ ແລະ ຫຼາຍຊະນິດໃນປະລິມານທີ່ສູງເມື່ອທຽບໃສ່ ອາຫານຫຼາຍ ຊະນິດ, ຈາກການສຶກສາປະລິມານສານອາຫານຂອງໄຄດິບສະກຸນ Chladophora ແລະ Microspora ພົບວ່າໄຄທັງ 2 ຕະກຸນມີທາດໂປຼຕີນສູງເທົ່າກັບປານໍ້າຈືດຄືປະມານ 20 ກຮາມຕໍ່ 100 ກຣາມນໍ້າຫນັກແຫ້ງ, ສ່ວນກາກ ຫຼື ເສັ້ນໃຍນັ້ນກໍມີປະລິມານຄ້າຍຄືກັນກັບຜັກໃບຂຽວທົ່ວໄປ. ນອກຈາກນັ້ນໄຄທັງ 2 ຕະກຸນຍັງມີວິຕາມິນ ແລະ ແຮ່ທາດທີ່ ສຳຄັນຫຼາຍຊະນິດ ເຊັ່ນ: ວິຕາມິນບີ 1 ແລະ ບີ 2, ວິຕາມິນຊີ, ທາດການຊຽມ ແລະ ທາດ selenium, ໂດຍສະເພາະທາດ selenium ເຊິ່ງເປັນສານຕ້ານອະນຸມູນອິດສະຫລະ ທີ່ສໍາຄັນນັ້ນແມ່ນພົບໃນປະລິມານຫຼາຍ ກ່ວາໃນຜັກໃບຂຽວທົ່ວໄປ; ດັ່ງນັ້ນໄຄຈຶ່ງເປັນແຫຼ່ງໂປຼຕີນເສີມທີ່ໜ້າສົນໃຈ (Peerapornpisal, Makonkawkeyoon et al. 2005).