ໝົກໝາກເຂົ້າ

ສ່ວນປະສົມ

• ໝາກເຂົ້າສຸກ 2 ໜ່ວຍໃຫ່ຍ
• ເຂົ້າເບືອ 1 ຈອກກາເຟ
• ນ້ຳຕານ 3-4 ບ່ວງຊາ
• ເກືອ 1 ບ່ວງຊາ
• ຕອງ
• ຖົ່ວດິນ (ຖ້າຕ້ອງການ)

ວິທີປຸງແຕ່ງ

1. ຕັກແກ່ນອອກຈາກໝາກເຂົ້າ ໃສ່ຖ້ວຍ

2. ໃສ່ເຂົ້າເບືອ ປຸງດ້ວຍເກືອ ແລະ ນ້ຳຕານ ຄົນໃຫ້ເຂົ້າກັນ (ລະວັງຢ່າໃຫ້ ເນື້ອໝາກເຂົ້າມຸ່ນຫຼາຍຈົນເກີນໄປ)

3. ນຳໃບຕອງມາຫໍ່ເຮັດ ໝົກ

4. ຫຼັງຈາກທີ່ຫໍ່ແລ້ວໃຫ້ນຳໄປໜຶ້ງ ປະມານ 30 ນາທີ

5. ຮັບປະທານໄດ້ຕາມຕ້ອງການ

ໂພຊະນາການຂອງໝາກເຂົ້າ
ໝາກອ່ອນ ແລະ ຍອດອ່ອນຊ່ວຍຫຼຸດນ້ຳຕານໃນເລືອດຂອງຜູ້ເປັນພະຍາດເບົາຫວານໄດ້, ແກ່ນເປັນຢາບຳລຸງປອດ, ແກ່ນແກ່ນຳມາບົດໃຫ້ແຫ້ງປະສົມນ້ຳມັນ ຫຼື ນ້ຳສົ້ມສາຍຊູເລັກນ້ອຍນຳໃຊ້ທາບໍລິເວນທີ່ມີອາການອັກເສບ, ອາການບວມຈະຊ່ວຍຮັກສາອາການໄດ້ ແລະ ຍັງຊ່ວຍຮັກສາພະຍາດຜີວໜັງ, ຜົດຜື່ນຄັນຕ່າງໆ, ອາການຟົກຊ້ຳໄດ້ອີກດ້ວຍ. ຂໍ້ມູນເພີ່ມເຕີມ ພາເຂົ້າລາວ

ຄຳແນະນຳ

• ວິທີການຫໍ່ໝົກ
• ລົດ ຫຼື ເພີ່ມປະລິມານນ້ຳຕານໄດ້ຕາມຕ້ອງ

ສູດອາຫານຈາກ ສຸລິວັນ ບຸນທຳມີ