ຕົ້ນໝາກຖົ່ວດິນ / Groundnut
APA 6th ed. ຕົ້ນໝາກຖົ່ວດິນ / Groundnut. (2022, May 17). Retrieved from https://www.phakhaolao.la/kb/0000473
MLA 8th ed. ຕົ້ນໝາກຖົ່ວດິນ / Groundnut. Pha Khao Lao, 17 May 2022, https://www.phakhaolao.la/kb/0000473.
Chicago 17th ed. Pha Khao Lao. 2022. "ຕົ້ນໝາກຖົ່ວດິນ / Groundnut." Published May 17, 2022. https://www.phakhaolao.la/kb/0000473.
Arachis hypogaea subsp. nambyquarae (Hoehne) A. Chev.
Arachis hypogaea var. nambyquarae (Hoehne) Burkart
Arachis hypogaea subsp. oleifera A.Chev.
Arachis hypogaea subsp. sylvestris A.Chev.
ໄທ: ຖົ່ວລິສົງ, ຖົ່ວຄຸດ, ຖົ່ວຢາສົງ, ຖົ່ວດິນ, ຖົ່ວໃຕ້ດິນ,
ຈີນ: ເຫາະຮວຍແຊ
ພາສາອັງກິດ: Peanut, Groundnut, Earthnut, Goober, Pindar, Monkeynut
ໝາກຖົ່ວດິນຈັດເປັນພືດລົ້ມລຸກມີລຳຕົ້ນສູງຕັ້ງແຕ່ 15-70 ຊມ, ຊຶ່ງສ່ວນຕ່າງໆຂອງລຳຕົ້ນໂດຍທົ່ວໄປແລ້ວຈະມີຂົນປົກຄຸ່ມຕາມລຳຕົ້ນ ກິ້ງກ້ານໃບ, ຫູໃບ, ໃບປະດັບ, ຮິ້ວໃບ ແລະ ກີບຮອງດອກ ຍົກເວັ້ນພຽງກີບດອກເທົ່ານັ້ນທີ່ຈະບໍ່ມີຂົນ. ລຳຕົ້ນຂອງໝາກຖົ່ວດິນຈະມີ 2 ປະເພດ ຄື: ມີລຳຕົ້ນເປັນພຸ່ມ, ລຳຕົ້ນຊື່, ແຕກກິ່ງກ້ານສາຂາຫຼາຍ ແລະ ໝາກອອກເປັນກະຈຸກທີ່ກົກ ສ່ວນອີກແບບໜຶ່ງເປັນລຳຕົ້ນແບບເລືອ ຫຼື ກິ່ງເລືອ ຈະເລີນເຕີບຕາມແນວນອນໄປຕາມພື້ນຜິວດິນ, ມີລັກສະນະເປັນພຸ່ມເຕ້ຍ, ໝາກຈະກະຈາຍຕາມຂໍ້ຂອງລຳຕົ້ນ. ຮາກເປັນລະບົບແບບຮາກແກ້ວ. ໃບເກີດສະລັບກັນຢູ່ເທິງຂໍ້ລຳຕົ້ນຫຼັກ, ໃນລັກສະນະຄ້າຍກຽວ. ໃບເປັນໃບປະສົມແບບຂົນນົກ ໃບປະກອບດ້ວຍໃບຍ່ອຍ 2 ຄູ່ຢູ່ກົງກັນຂ້າມກັນ. ລັກສະນະຂອງໃບຍ່ອຍເປັນຮູບໄຂ່ມີຂະໜາດກວ້າງປະມານ 2-3 ຊມ. ດອກເປັນສີເຫຼືອງ. ໝາກຮູບຂະໜານ, ດ້ານໃນມີ ແກ່ນ 1-6 ແກ່ນຕໍ່ໝາກ. ແກ່ນຮູບຮີກົມ, ມີເປືອກຫຸ່ມສີແດງ, ເນື້ອເມັດສີຂາວ.
ໝາກຖົ່ວດິນມີສັບພະຄຸນໃນການຂັບເສບຫະ ເຮັດໃຫ້ຊຸ່ມຄໍ, ບຳລຸງກຳລັງ, ແກ້ຫອບຫືດ, ຂັບນໍ້ານົມ, ຫລຸດລະດັບນ້ຳຕານໃນເລືອດ ແລະ ຫລຸດປະລິມານໄຂມັນໃນເສັ້ນເລືອດ. ສ່ວນເຍື່ອຫຸ້ມແກ່ນຖົ່ວດິນນັ້ນມີສັບພະຄຸນໃນການຫ້າມເລືອດໃນກໍລະນີເກັດເລືອດຕໍ່າເຮັດໃຫ້ເກີດຈໍ້າເລືອດ ເລືອດອອກບໍ່ຍຸດ ພາວະພັນທຸກຳມີຫຼອດເລືອດຝອຍຈຳນວນຫຼາຍເຮັດໃຫ້ມີອາການເລືອດອອກງ່າຍ ເນື່ອງຈາກປະສິດຕິພາບຂອງເກັດເລືອດຕໍ່າ, ເລືອດອອກໃນລະບົບທາງເດີນອາຫານ, ຮາກອອກເປັນເລືອດເນື່ອງຈາກວັນນະໂລກ ເລືອດອອກທໍ່ປັດສະວະ, ເລືອດອອກຕາມເຫງືອກ ແລະ ເລືອດກຳເດົາ. ແກ່ນຊ່ວຍບຳລຸງຮ່າງກາຍ ຊ່ວຍບຳລຸງສະໜອງ ແລະ ປະສາດຕາ ຊ່ວຍເສີມສ້າງຄວາມຈຳ, ຊ່ວຍໃຫ້ຄວາມອົບອຸ່ນແກ່ຮ່າງກາຍ. ນໍ້າມັນຖົ່ວດິນຊ່ວຍໃຫ້ຄວາມອົບອຸ່ນແກ່ຜິວກ່າຍ, ຊ່ວຍລະບາຍທ້ອງ, ຊ່ວຍບຳລຸງມ້າມ. ໃບສົດນຳມາຕຳໃຊພອກຮັກສາແຜຟອກຊໍ້າບາດຫົກລົ້ມ, ບາດທີ່ມີໜອງເຮື້ອລັງ.