ແນະນໍາວິທີເຮັດໝົກຮວກ
ຮວກສາມາດນໍາໄປປຸງແຕ່ງອາຫານໄດ້ຫຼາຍເມນູ
ເຮືອນຄົວລາວ
www.phakhaolao.la
ຄໍາວ່າ “ໝົກ” ແມ່ນວິທີການເຮັດອາຫານ ຫຼື ແຕ່ງກິນຂອງຄົນດ້ວຍການເອົາຕອງມາຫໍ່ ເພື່ອນໍາໄປຈີ່ໄຟໃຫ້ສຸກ ເອີ້ນວ່າ ໝົກ ຫຼື ຫໍ່ໝົກ.
“ຮວກ” ມີຮູບຮ່າງໂດຍທົ່ວໄປທີ່ຄ້າຍຄືປາ, ມີຫາງ, ຫາຍໃຈດ້ວຍເຫືອກ, ບໍ່ມີຂາ ສ່ວນຫຼາຍຫົວຈະມີຂະໜາດໃຫຍ່ ເຊິງຮວກແຕ່ລະຊະນິດກໍຈະມີຮູບຮ່າງ ແລະ ລັກສະນະທີ່ແຕກຕ່າງກັນໄປ ໂດຍຮວກສາມາດນໍາໄປປຸງແຕ່ງອາຫານໄດ້ຫຼາຍເມນູ ໂດຍສະເພາະແມ່ນ: ແໜບ, ເອາະ ຫຼື ໝົກເປັນຕົ້ນ.
ສ່ວນປະກອບ:
- ຮວກ
- ໃບຕອງ
- ຫົວສີໄຄ
- ເກືອ
- ໝາກເຜັດດິບ
ຂັ້ນຕອນການປຸງແຕ່ງ
- ບີບເອົາຂີ້ອອກ ຫຼັງຈາກນັ້ນ ນໍາໄປລ້າງນໍ້າໃຫ້ສະອາດ.
- ນໍາເອົາໃບຕອງໄປຕາກແດດ ຫຼື ລົ່ນໄຟເພື່ອເຮັດໃຫ້ໃບຕອງອ່ອນ ມັນຈະຊ່ວຍເຮັດໃຫ້ຫໍ່ໄດ້ງ່າຍ ແລະ ບໍ່ແຕກ.
- ຕໍາໝາກເຜັດ ແລະ ເກືອໃຫ້ລະອຽດ.
- ຊອຍຫົວສີໃຄ ໃຫ້ເປັນຕ່ອນນ້ອຍໆ.
- ຈາກນັ້ນກໍນຳໄປໃສ່ໃບຕອງທີ່ກຽມໄວ້ ເພື່ອຫໍ່ແລ້ວເອົາໄປມົກປະມານ 15 ນາທີ
ເພື່ອໃຫ້ຄວາມແນ່ໃຈວ່າມັນສຸກດີ ແລ້ວກ່ອນຈະຮັບປະທານ ເຮົາຄວນໄຂໝົກອອກມາ ບີບເບິ່ງໝາກເຜັດ ຖ້າໝາກເຜັດເປື່ອຍແລ້ວກໍສາມາດຮັບປະທານໄດ້ເລີຍ
ແຫຼ່ງຂໍ້ມູນ: ນ. ພອນ ອາຍຸ 29 ປີ ປະຊາຊົນບ້ານວັງມາເນີ ເມືອງ ບົວລະພາ ແຂວງ ຄໍາມ່ວນ.