ແຈ່ວບອງ
ແຈ່ວບອງໜຶ່ງໃນເມນູອາຫານທີ່ ເປັນເອກະລັກຂອງລາວ ປຸງແຕ່ງໄດ້ງ່າຍ ແຕ່ມີລົດຊາດທີ່ແຊບສຸດໆ ຮັບປະທານກັບເຂົ້າໜຽວຮ້ອນໆ ແລະ ຍັງສາມາດປຸງແຕ່ງເປັນສິນຄ້າ ສ້າງລາຍຮັບໃຫ້ກັບຄອບຄົວອີກດ້ວຍ
ເຮືອນຄົວລາວ
May Laos.kitchen
ເຄື່ອງປະກອບ
• ໝາກເຜັດໃຫ່ຍແຫ້ງ
• ຫົວຂ່າ
• ຫົວຂີງ
• ຫົວຜັກທຽມແຫ້ງ
• ຫົວຜັກບົ່ວແຫ້ງ
• ເກືອ
• ແປ້ງນົວ
• ນ້ຳຕານ
• ໜັງແຫ້ງ
• ນ້ຳມັນພືດ
ວິືທີປຸງແຕ່ງ
1. ປອກຂ່າ, ຂີງ, ຫົວຜັກທຽມ, ຫົວຜັກບົ່ວ, ລ້າງນ້ຳໃຫ້ສະອາດ
2. ນຳມາທອດນ້ຳມັນພືດດ້ວຍໄຟອ່ອນໆ ພໍໃຫ້ເຫຼືອງ. ຈາກນັ້ນນຳມາຕຳລວມເຂົ້າກັນໃຫ້ມຸ່ນ
3. ຈີ່ໜັງໃຫ້ສຸກ, ທຸບ ຫຼື ຊອຍ ເປັນຕ່ອນນ້ອຍໆ ແລ້ວນຳໄປແຊ່ນ້ຳໃຫ້ອ່ອນ
4. ແກະແກ່ນໝາກເຜັດໃຫ່ຍອອກ ເອົາແຕ່ກາບໝາກເຜັດໄປແຊ່ນ້ຳອຸ່ນປະມານ 1 ຊົ່ວໂມງ ແລ້ວຟັກໃຫ້ມຸ່ນ. ຈາກນັ້ນ ເອົາມາຂົ້ວປະສົມກັບໜັງ ແລະ ເຄື່ອງປະສົມທີ່ຕຳໄວ້
5. ປຸງລົດຊາດດ້ວຍເກືອ, ນ້ຳຕານ ແລະ ແປ້ງນົວໃຫ້ແຊບຕາມໃຈມັກ
6. ເກັບມ້ຽນໄວ້ໃນກວດແກ້ວ ຫຼື ກະປຸກ ສາມາດເກັບໄວ້ກິນດົນປະມານ 3-5 ເດືອນ
ຂໍ້ມູນເພີ່ມເຕີມຈາກ ປຶ້ມອາຫານລາວ (ວິທີເຮັດອາຫານເກັບໄວ້ກິນດົນ)
ວີດີໂອແນະນຳຈາກ May Laos.kitchen