ເຂົ້າຕົ້ມປະປາ
ເຂົ້າຕົ້ມປະປາ (ອາຫານພື້ນບ້ານເຜົ່າມົ້ງ)
ເຮືອນຄົວລາວ
phakhaolao.la
ເຂົ້າຕົ້ມປະປາ ສ່ວນຫຼາຍຊົນເຜົ່າມົ້ງໃຊ້ໃນງານຮີດຄອງປະເພນີຕາມຄວາມເຊື່ອຖື ເປັນຕົ້ນແມ່ນໃນ ໂອກາດ ບຸນກິນຈຽງ,ເຂົ້າຕົ້ມປະປາແມ່ນຄຽງຄູ່ກັບຊົນເຜົ່າມົ້ງມາໂດຍຕະຫຼອດ ການເຮັດເຂົ້າຕົ້ມປະປາແມ່ນເຮັດໄດ້ຕະຫຼອດປີ.
ສ່ວນປະກອບທີ່ສໍາຄັນ
- ເຂົ້າຫນຽວ
- ໄຂ່ ຫຼື ນໍ້າເຜິ້ງ
- ນໍ້າອ້ອຍຂ້ຽວ
ຂັ້ນຕອນ ແລະວິທີປຸງແຕ່ງ
- ໝ່າເຂົ້າຫນຽວໄວ້ປະມານ 3-5 ຊົ່ວໂມງ,
- ນໍາເຂົ້າທີ່ໝ່າໄວ້ມາໜື້ງແລ້ວເອົາໄປຕໍາໃສ່ຄົກຍາວ, ກ່ອນຕໍາແມ່ນໃຫ້ເອົາໄຂ່ຂາວທາຄົກ ແລະ ສາກກ່ອນ ເພື່ອບໍ່ໃຫ້ເຂົ້າຕິດຄົກ
- ຫຼັງຈາກຕໍາແລ້ວ ໃຫ້ນໍາມາຫໍ່ພັບຄືກັບຫນ່ວຍໄຂ່ ພັບໃຫ້ແປ
- ກ່ອນຮັບປະທານຕ້ອງນຳມາຈີ່ ຫລື ຂາງດ້ວຍໄຟອ່ອນໆ
- ເລືອກຮັບປະທານນກັບນໍ້າອ້ອຍຂ້ຽວຈະໃຫ້ຣົດຊາດທີ່ແຊບ
ສູດອາຫານ ສືບສານພູມປັນຍາທ້ອງຖິ່ນ ອາຫານພື້ນບ້ານຂອງຊາວເມືອງໄຊ ແຂວງອຸດົມໄຊ