ຊຸບຜັກ
ສ່ວນປະສົມ
• ຜັກກາດ (ຜັກກາດຂາວ ຫຼື ຂຽວ) ຊອຍໃຫ້ເປັນຕ່ອນນ້ອຍໆ ແລະ ເດັດໃບຍາວ 7 ຊມ ປະມານ 1 ຖ້ວຍ
• ກະລຳດອກສີຂາວ (ຫຼື ຜັກຊະນິດອື່ນທີ່ເປັນສີຂາວ) 1 ຖ້ວຍ
• ໜໍ່ໄມ້ຊອຍ 3 ໜໍ່ (ສ່ວນປະສົມ ທາງເລືອກ)
• ໝາກຖົ່ວຍາວ 3 ຝັກ ຕັດຍາວ 4 ຊມ
• ຜັກຫອມເປ ຕັດເຄິ່ງ 1 ມັດ
• ຜັກກາດກວາງຕຸ້ງ
• ຜັກຊີ 2-3 ຕົ້ນ ຊອຍຍາວ 4 ຊມ
• ເຫັດນາງລົມ 2 ດອກໃຫ່ຍ ຫຼື 4 ດອກກາງ
• ນ້ຳ 1 ຖ້ວຍ ປະສົມເກືອ 1 ບ່ວງຊາ
• ກະທຽມ ½ ຫົວໃຫ່ຍ
• ໝາກເຜັດສຸກ 3 ໜ່ວຍ
• ຂ່າ ຫຼື ຂີງ 2 ຫົວນ້ອຍ
• ໝາກງາ 2 ບ່ວງແກງ
• ສະອິວ, ປາແດກ ຫຼື ນ້ຳປາ 2 ບ່ວງແກງ
• ນ້ຳ 8 ຈອກ
ສຳລັບ 6 ຄົນ
ວິທີປຸງແຕ່ງ
1. ກຽມຜັກ ແລະ ສ່ວນປະສົມຕ່າງໆໃສ່ລົງໃນຊາມນ້ຳ ປະສົມເກືອ 1 ບ່ວງຊາ, ນຳໃບທີ່ຫ່ຽວແຫ້ງອອກ ແລ້ວແຊ່ຜັກສ່ວນທີ່ເຫຼືອປະໄວ້
2. ຄ້າງໝໍ້ຊຶງ ຫຼື ໝໍ້ໜຶ້ງເຂົ້າ ເພຶ່ອກຽມໜຶ້ງຜັກ
3. ຂົ້ວໝາກງາ, ຫຼັງຈາກນັ້ນນຳໄປຕຳໃຫ້ມຸ່ນ
4. ຫຼັງຈາກທີ່ນ້ຳໃນໝໍ້ຊຶງຝົດແລ້ວ ໃຫ້ນຳຜັກຕ່າງໆໄປໜຶ້ງ ປະມານ 10-15 ນາທີ
5. ຈີ່ກະທຽມ ແລະ ໝາກເຜັດໃຫ້ສຸກ. ຫຼັງຈາກນັ້ນ ໃຫ້ນຳເປືອກອອກ ແລ້ວໃສ່ລົງໃນຄົກພ້ອມ ຂີງ ຫຼື ຂ່າ, ຕຳໃຫ້ລະອຽດ ອາດຈະເພີ່ມເກືອໃສ່ ເພື່ອຄວາມສະດວກເວລາຕຳ
6. ຫຼັງຈາກທີ່ໜຶ້ງຜັກສຸກຮຽບຮ້ອຍແລ້ວ ໃຫ້ນຳອອກຈາກໝໍ້ ຖອກໃສ່ຊາມເພື່ອໃຫ້ຜັກເຢັນ (ຄວນໃຊ້ຊາມທີ່ມີຂະໜາດກ້ວາງ), ຫຼັງຈາກນັ້ນ ໃສ່ໝາກງາ, ຂີງ ຫຼື ຂ່າທີ່ຕຳໄວ້ ຕາມດ້ວຍສະອິວ 2 ບ່ວງແກງ. ຄົນສ່ວນປະສົມຕ່າງໆໃຫ້ເຂົ້າກັນ ເພີ່ມລົດຊາດດ້ວຍເຄື່ອງປຸງຕ່າງໆຕາມຕ້ອງການ
7. ຕັກໃສ່ຖ້ວຍ ໂຮຍໜ້າດ້ວຍຜັກຫອມປ້ອມ ຮັບປະທານກັບອາຫານລາວຈານອື່ນໆ ໂດຍສະເພາະເຂົ້າໜຽວ ຫຼື ຈະໃຊ້ເປັນອາການສຳລັບການກິນເຂົ້າປ່າ
ຂໍ້ມູນຈາກອາຫານພາກເໜືອລາວ ປຶ້ມສູດອາຫານເຮືອນພັກທ່າເຮືອ
ວີດີໂອຈາກ Home Made By Kaysone