ປາອີ່ໄທຂ້າງແຖບ / Waanders's hard-lipped barb

D: 12; A: 5; P1: 15; P2: i, 8. ຮູບແບບລໍາໂຕສັ້ນ ແລະ ແປທາງດ້ານຂ້າງ, ມີຄວາມເລິກຂອງລໍາໂຕ 31.31-33.33% ຂອງຄວາມຍາວມາດຖານ (SL), ຄວາມຍາວຂອງຫົວ 22.22-23.80% ຂອງ SL. ຫົວ: ຂະໜາດນ້ອຍ, ມີໜວດ 2 ຄູ່, ຕາຂ້ອນຂ້າງໃຫຍ່, ປາກຢູ່ດ້ານລຸ່ມຂອງຫົວ, ມີຕຸ່ມ 1-3 ຕຸ່ມຢູ່ບໍລິເວນປາຍຂອງສັນດັງ, ຄວາມຍາວຂອງເສັ້ນຜ່າສູນກາງ ຕາ 23.33-27.27% ຂອງຄວາມຍາວຫົວ HL. ລໍາໂຕ: ມີແຖບສີດໍາຢູ່ດ້ານຂ້າງ ຂອງລໍາໂຕຍາວຈາກບໍລິເວນຫົວຈົນເຖິງ ຂອບທ້າຍສຸດຂອງປາຍຄີຫາງບໍລິເວນທີ່ວໍ້າເຂົ້າ, ປາຍຄີຫາງ, ຄີຫຼັງ, ຄີທ້ອງ ແລະ ຄີກົ້ນສີແດງອົມສົ້ມ, ເກັດເສັ້ນຂ້າງ ລໍາໂຕສົມບູນ, ມີເກັດເສັ້ນຂ້າງໂຕ 34 ເກັດ, ເກັດກ່ອນຄີຫຼັງ 10 ເກັດ, ເກັດອ້ອມກົກຫາງ 16 ເກັດ, ເກັດຈາກເກັດກ່ອນ ຄີຫຼັງລົງໄປຫາເສັ້ນຂ້າງໂຕຕາມແນວສະຫຼຽງ 6 ແລະ ເກັດໜ້າຄີກົ້ນຂຶ້ນໄປຫາຕາມເສັ້ນຂ້າງຕົວຕາມແນວສະຫຼຽງມີ 4 ເກັດ, ຄີຫຼັງມີ 12 ເສັ້ນກ້ານຄີອ່ອນ, ຄີກົ້ນມີ 5 ເສັ້ນກ້ານຄີອ່ອນ, ຄີເອິກມີ 15 ເສັ້ນກ້ານຄີອ່ອນ ແລະ ຄີທ້ອງມີ 8 ເສັ້ນກ້ານຄີອ່ອນ. ຫາງ: ຫາງແບບງ່າມ (ວໍ້າເຂົ້າຢູ່ສ່ວນກາງແບ່ງຫາງເປັນ 2 ຊິກ). ສີຂອງລໍາໂຕ: ສີເງິນອົມແດງ.

ເຂດກະຈາຍພັນ: ພົບຢູ່ອ່າງແມ່ນໍ້າຂອງໃນ ສປປລາວ, ໄທ ແລະ ກໍາປູເຈຍ.