ເອືອງພ່ວງມາໄລ / Multi-Flowered orchids

ເປັນພືດອິງອາໄສຕົ້ນໄມ້ອື່ນ, ຂະຫຍາຍຕົວທາງປາຍຍອດ. ລຳຕົ້ນສູງປະມານ 20 ຊມ, ຫຸ້ມດ້ວຍກາບໃບ. ໃບຮູບຂອບຂະໜານ, ພົບເຂົ້າກັນ, ຍາວ 15-30 ຊມ, ປາຍໂຄ້ງບໍ່ສະໜໍ່າສະເໜີກັນ. ດອກອອກເປັນຊໍ່ຢ້ອນລົງ, ມີ 10-15 ດອກຕໍ່ຊໍ່. ດອກອອກຢູ່ຫຼືບໃບຈາກລຳຕົ້ນ.  ໂດຍລວມດອກອອກສີມ່ວງອົມສີບົວ, ກາບດອກຮູບສ້ວຍຫາຮູບໄຂ່ປີ້ນມີຈຸດສີມ່ວງອົມສີບົວເລັກນ້ອຍ. ບໍ່ຈອດກັນ, ກີບດອກຮູບຂອບຂະໜານ, ສ່ວນປາຍ ຫຼື ສ້ວຍໂຄນເລັກນ້ອຍ, ມີຈຸດໆສີມ່ວງອົມສີບົວຢ່າງຫຼວງຫຼາຍ. ກີບດອກຮຽວ ແລະ ຍາວກວ່າກາບດອກ. ກີບປາກເປັນແຜ່ນຮູບສາມຫຼ່ຽມ, ແຄມເປັນຍັກເລັກນ້ອຍ, ອອກສີມ່ວງເຂັ້ມ ຢູ່ສ່ວນກາງ ແລະ ປາຍ, ສ່ວນຂ້າງພໍເປັນຕິ່ງນ້ອຍໆອອກສີຂາວ. ເດືອຍມີຂະໜາດນ້ອຍຢູ່ກ້ອງກີບປາກ. ຝາປີດຖົງລະອອງເກສອນມີສີຂາວມີປາຍແຫຼມ. ກ້ານດອກສັ້ນໆ 0.4 ຊມ, ເມື່ອບານສຸດ ດອກກວ້າງ 2-2.5 ຊມ, ດອກບານທົນຫຼາຍວັນ ແລະ ມີກີ່ນຫອມອ່ອນໆ. (ບົວໄຂຄອນ ສະແຫວງສຶກສາ ແລະ ວີຈິດ ລຳໄຊ, 2005)