ປາເຂັງ / Climbing Perch
APA 6th ed. ປາເຂັງ / Climbing Perch. (2019, July 8). Retrieved from https://www.phakhaolao.la/kb/0000549
MLA 8th ed. ປາເຂັງ / Climbing Perch. Pha Khao Lao, 8 July 2019, https://www.phakhaolao.la/kb/0000549.
Chicago 17th ed. Pha Khao Lao. 2019. "ປາເຂັງ / Climbing Perch." Published July 8, 2019. https://www.phakhaolao.la/kb/0000549.
Anabas macrocephalus (Bleeker, 1854)
Anabas microcephalus (Bleeker, 1857)
Anabas scandens (Daldorff, 1797)
Anabas spinosus (Gray, 1834)
Anabas trifoliatus (Kaup, 1860)
Anabas variegatus (Bleeker, 1851)
ໄທ: ປາໝໍ
Camboidian: Kranh, Trey kranh, Trey kranh srai
Viet: Cá rô dông
ລັກສະນະລຳໂຕຂອງປາເຂັງແມ່ນປ້ອມ ແລະ ຂ້ອນຂ້າງແປຕາມຕົນໂຕມີສີນ້ຳຕານເຫຼືອງປົນດຳ ສ່ວນທ້ອງສີຈາງກວ່າສ່ວນຫຼັງ, ມີເກັດແຂງ. ຖ້າສັງເກດຈາກລັກສະນະພາຍນອກຂອງປາເຂັງເພດຜູ້ເມື່ອມີອາຍຸເທົ່າໆກັນກັບປາເຂັງເພດແມ່ໂຕຜູ້ຈະຮຽວຍາວກວ່າເພດແມ່ທີ່ບໍລິເວນສ່ວນທ້ອງຂອງປາເຂັງເພດຜູ້ຈະແຂງ ແລະ ແປ. ໃນລະດູປະສົມພັນຖ້າໃຊ້ມືລູບເບົາໆບໍລິເວນທ້ອງໃກ້ອະໄວຍະວະເພດຈະເຫັນມີນ້ຳເຊື້ອສີຂາວຂຸ້ນໄຫຼອອກມາຈາກຮູອະໄວຍະວະເພດ ແລະ ເມື່ອຜ່າທ້ອງເບິ່ງຖົງນ້ຳເຊື້ອຈະເຫັນເປັນລັກສະນະຍາວເປັນຄູ່. ສຳລັບປາເຂັງເພດແມ່ຈະມີລັກສະນະລຳໂຕໃຫຍ່ປຸ້ມສັ້ນ ແລະ ນ້ຳໜັກຫຼາຍກວ່າປາເຂັງເພດຜູ້ໄດ້ຊັດເຈນເມື່ອມີອາຍຸເທົ່າໆກັບປາເຂັງເພດຜູ້, ລຳໂຕປາເຂັງເພດແມ່ຈະໃຫຍ່ກວ່າ ແລະ ມີຄວາມໜາຂອງລຳໂຕຫຼາຍກວ່າເພດຜູ້.
ໃນລະດູປະສົມພັນວາງໄຂ່ຂອງປາເຂັງເພດແມ່ຈະມີທ້ອງເບັງໃຫຍ່ທີ່ເຕັມໄປດ້ວຍໄຂ່, ເຊີ່ງຮັງມີລັກສະນະຍາວເປັນຄູ່ໂດຍຮັງໄຂ່ທີ່ເລີ່ມມີການພັດທະນາຈະມີລັກສະນະເປັນສີບົວແກ່ ແລະ ມີເມັດໄຂ່ເປັນຈຸດສີຂາວນວນເກີດຂື້ນໜ້ອຍໜື່ງ ຕໍ່ມາກໍ່ຈະເພີ່ມຈຳນວນຫຼາຍຂື້ນ, ຮັງໄຂ່ທີ່ແກ່ແລ້ວຈະມີສີເຫຼືອງ, ໃກ້ລະດູການປະສົມພັນຈະມີຮູອະໄວຍະວະເພດເປີດກວ້າງຫຼາຍກວ່າປົກກະຕິ, ສ່ວນທ້ອງຈະນຸ່ມ ແລະ ຕິ່ງເພດຈະສັ້ນ. ປາເຂັງເພດແມ່ຈະມີການຈະເລີນເຕີບໂຕໄວເມື່ອອາຍຸປະມານ 6 ເດືອນ ຫຼື ນ້ຳໜັກປະມານ 50–60 ກຼາມ ຂຶ້ນໄປເວລາໃຊ້ມືລູບທີ່ຄີແກ້ມຈະຮູ້ສຶກມືນມືແຕກຕ່າງຈາກປາເຂັງເພດຜູ້ທີ່ມີຄວາມຊາມື. ປາເຂັງມີລັກສະນະໄຂ່ຟູນ້ຳ, ໄຂ່ປາເຂັງຈະສຸກແກ່ຫຼາຍຕັ້ງແຕ່ກາງເດືອນ ກຸມພາ ຫາ ເດືອນ ຕຸລາ ຂອງທຸກໆປີ. ຄວາມດົກຂອງໄຂ່ປາເຂັງຈະອີງຕາມນ້ຳໜັກໂຕເຊັ່ນ: ແມ່ທີ່ມີນ້ຳໜັກໂຕ 100 ກຼາມ ຈະມີຈຳນວນໄຂ່ປະມານ 2.000–50.000 ໜ່ວຍ ຈື່ງຈັດເປັນປາທີ່ມີຄວາມດົກຂອງໄຂ່ຫຼາຍ. ປາເຂັງຈະວາງໄຂ່ໃນຊ່ວງລະດູຝົນຄື: ຕັ້ງແຕ່ທ້າຍເດືອນເມສາເປັນຕົ້ນໄປ, ມັກວາງໄຂ່ໃສ່ນ້ຳໃໝ່ ຫຼື ຝົນຕົກເທື່ອທຳອິດ ແລະ ມີອຸນນະພູມຕ່ຳກວ່າປົກກະຕິປະມານ 25–27 ອົງສາ.