ເຝີຜັກແຄບເຕົ້າຮູ້
ເຝີແຄບເປັນໜື່ງໃນປະເພດເຝີ ທີ່ແຂກໃນເຮືອນພັກທ່າເຮືອ ນິຍົມຮັບປະທານ ໂດຍສະເພາະອາຫານເຊົ້າ ແລະ ສວຍ. ສາມາດໃສ່ຖົ່ວຍັດ, ຜັກກາດກວາງຕຸ້ງ ແທນ ຜັກແຄບໄດ້ຕາມຕ້ອງການ
ເຮືອນຄົວລາວ
Kees Sprengers (The Boat Landing Cookbook)
ສ່ວນປະສົມ
• ນ້ຳ 2 ຈອກກາເຟ
• ຜັກແຄບ 1 ກຳມື
• ຂ່າ 2 ຫົວ
• ເກືອ 1 ຢິບ
• ສະອິວຂາວ 2-3 ບ່ວງແກງ
• ເຕົາຮູ້ ½ ຈອກກາເຟ
• ເສັ້ນເຂົ້າຊອຍ 1 ຈອກກາເຟ ຕັດຍາວ 6 ຊມ ຫຼື ເສັ້ນເຝີ
• ໝາກເລັ່ນຊອຍ ½ ໜ່ວຍ
• ສະອິວຊໍຂາວຈີນ (ເພື່ອເພີ່ມລົດຊາດ)
• ພິກໄທດຳ 1 ບ່ວງຊາ
ສ່ວນປະສົມເພີ່ມເຕີມ
• ໝາກນາວ ເຄິ່ງໜ່ວຍ
• ຫອມບົ່ວໃບຊອຍ 1 ຕົ້ນ
ວິທີປຸງແຕ່ງ
1. ຕົ້ມນ້ຳ
2. ຫຼັງຈາກໝໍ້ຟົດ ໃສ່ເຕົ້າຮູ້, ຜັກແຄບ, ຂ່າ, ເກືອ ແລະ ສະອິວ, ຕົ້ມຈົນກ່ວາຜັກແຄບຈະສຸກ
3. ປິດໄຟ ຫຼື ນຳໝໍ້ອອກຈາກເຕົາໄຟ ເພື່ອໃສ່ເສັ້ນເຂົ້າຊອຍ, ໝາກເລັ່ນ ຕາມດ້ວຍສະອິວ ແລະ ພິກໄທ
4. ຕັກໃສ່ຖ້ວຍ ໃສ່ນ້ຳໝາກນາວ ແລະ ຫອມບົ່ວໃບຊອຍ
ຄຳແນະນຳ
• ສາມາດເພີ່ມໃບເຢີມ ຫຼື ສະມຸນໄພທ້ອງຖິ້ນ ເປັນສ່ວນປະສົມເພີ່ມເຕີ່ມໄດ້ຕາມຕ້ອງການ
• ໃສ່ເຕົ້າຮູ້ ຫຼື ໄກ່ ຕາມຕ້ອງການ
ຂໍ້ມູນຈາກ ອາຫານພາກເໜືອລາວ ປຶ້ມສູດອາຫານເຮືອນພັກທ່າເຮືອ