ສີ່ງທີ່ຄວນຮູ້ກ່ອນບໍລິໂພກແມງໄມ້ທອດ
ເຖິງແມ່ນວ່າແມງໄມ້ທອດຈະໃຫ້ໂປຣຕີນ (Protein) ສູງກໍຕາມ ແຕ່ສະພາບຮ່າງກາຍຂອງຄົນເຮົາມີທາດທີ່ແຕກຕ່າງກັນ, ທ່ານຄວນຮູ້ກ່ອນຮັບປະທານ
ຊີວະນາໆພັນກະສິກຳ
www.phakhaolao.la
- ຜູ້ທີ່ເປັນພະຍາດພູມແພ້ ແລະ ເປັນຫອບຫືດ ເມື່ອຮັບປະທານແມງໄມ້ທອດອາດເຮັດໃຫ້ເກີດອາການພູມແພ້ ຫຼື ຫອບຫືດຮ້າຍແຮງ ຫຼື ອາດເຮັດໃຫ້ເສຍຊີວິດໄດ້.
- ຜູ້ທີ່ມີບັນຫາເລື່ອງກະດູກ ແລະ ແມ່ຍິງຖືພາ ເພາະອັນຕະລາຍຈາກການກິນເຮັດໃຫ້ການເຮັດວຽກຂອງໄຄຕິນ ແລະ ໄຄໂທຊານຕໍ່ກັບການດູດຊືມແຄວຊຽມ ຈົນອາດທໍາລາຍກະດູກ ຫຼື ອາດກໍ່ໃຫ້ເກີດຄວາມຜິດປົກກະຕິຂອງການຈະເລີນເຕີບໂຕ ຂອງເດັກນ້ອຍໃນທ້ອງ.
- ຜູ້ທີ່ມີພາວະໄຂມັນສູງ ເພາະແມງໄມ້ທອດອຸດົມໄປດ້ວຍ ພະລັງງານສູງ ໄຂມັນຈາກນໍ້າມັນທີ່ທອດກໍ່ສູງ ຫາກກິນໃນປະລິມານທີ່ຫຼາຍ ຫຼື ກິນເປັນອາຫານຫວ່າງ, ເປັນຂອງແກ້ມ,ອາດຈະກໍານົດປະລິມານການກິນທີ່ບໍ່ຖືກຕ້ອງຈົນເປັນສາເຫດສ່ຽງຕໍ່ການເກີດພະຍາດໄຂມັນອຸດຕັນເສັ້ນເລືອດ.
- ຜູ້ທີ່ເປັນພະຍາດໝາກໄຂ່ຫຼັງ ເພາະສ່ວນປະສົມທີ່ໃຊ້ເພື່ອເພີ່ມລົດຊາດຂອງແມງໄມ້ທອດນັ້ນອາດຈະມີໂຊດຽມ (sodium) ສູງ ສະນັ້ນຜູ້ທີ່ເປັນພະຍາດໝາກໄຂ່ຫຼັງຈຶ່ງບໍ່ເໝາະທີ່ຈະຮັບປະທານ.