ຂົ້ວລວມມິດແມງໄມ້
ແມງໄມ້ ໜຶ່ງໃນສິ່ງມີຊີວິດທີ່ມີຄວາມຫຼາກຫຼາຍ ເຊິ່ງມີໂຫຍດຫຼາຍຢ່າງ ບາງຊະນິດກໍສາມາດນຳມາປະກອບອາຫານໄດ້ອີກດ້ວຍ ບໍວ່າຈະເປັນແຈ່ວ ຫຼື ຂົ້ວ
ເຮືອນຄົວລາວ
phakhaolao.la
ສ່ວນປະກອບ
- ແມງມັນ, ຈີ່ນູນ, ຕັກກະແຕນ, ຈີ່ນາຍ, ຈັກຈັ່ນ, ຈິງຫຼີດ
- ໃບຂີ້ຫູດ
- ນໍ້າມັນພືດ
- ເກືອ
ວິທີປຸງແຕ່ງ
- ນຳແມງໄມ້ທັງໝົດມາລ້າງ ແລະ ທຳຄວາມສະອາດໃຫ້ດີ
- ຄ້າງໝໍ້ໃສ່ນໍ້າມັນໃຫ້ຮ້ອນ ແລ້ວໃສ່ແມງໄມ້ລົງໄປ ຕາມດ້ວຍເກືອ ແລະ ໃບຂີ້ຫູດ, ຂົ້ວປະມານ 5-7 ນາທີ ຫຼື ຈົນກວ່າແມງໄມ້ຈະສຸກ
- ປະໄວ້ໃຫ້ເຢັນ ຫຼື ຈະຮັບປະທານຕອນອຸ່ນໆ ກໍແຊບດີ
ໝາຍເຫດ
ແມງໄມ້ບໍ່ສາມາດກິນໄດ້ທຸກຊະນິດ ຄວນເລືອກຮັບປະທານໃຫ້ດີ
ຖ້າຫາກທ່ານມີອາການແພ້ ບໍ່ຄວນຮັບປະທານ