ບ່າງ / Sunda Colugo

       ຫົວ ແລະ ລຳໂຕຍາວ: 34-42 ຊມ. ຫາງຍາວ: 7.5-27 ຊມ
ສີທີ່ພົບໃນ ສປປ ລາວ ສ່ວນຫຼາຍມີສີດຽວຄືສີນ້ຳຕານເປັນສ່ວນຫຼາຍ, ມີຈຸດແຕ້ມສີຄີມ. ໂຕບ່າງສາມາດຈຳແນກໄດ້ຍ້ອນມັນມີແຜ່ນປີກໜັງທີ່ເໜັ່ງຄຶງໄປຫາປາຍຕີນ, ນິ້ວມື ແລະ ປາຍຫາງ. ແຕ່ບ່າງຊະນິດນີ້ິ້ວມື, ນິ້ວຕີນ ແລະ ຫາງບໍ່ເຊື່ອມຕໍ່ກັນ, ແຜ່ນປີກໜັງນີ້ຈະມີເປັນຈຸດສີນ້ຳຕານໝົ່ນ ແລະ ທາງລຸ່ມສີຈາງໆ, ບ່າງຊະນິດນີ້ໜ້າແຫຼມ, ຫົວໃຫຍ່, ມີຫູສັ້ນມົນ, ຕາຈະສະທ້ອນແສງສີແດງເຮືອງເມື່ອຕ້ອງກັບແສງໄຟສາຍ.
       ອຸປະນິໄສ: ຫາກິນໃນຍາມກາງຄືນ, ອາດຈະພົບກ່ອນຕາເວັນຂຶ້ນ ແລະ ກ່ອນມືດ, ສ້າງຮັງໃນຜົ້ງ, ໂກນຂອງເຫງົ້າໄມ້, ດັງນັ້ນຈຶ່ງມັກເຫັນໃນຍາມກາງເວັນ. ບ່າງເປັນສັດຫາກິນຕາມຕົ້ນໄມ້, ມີຄວາມຄ່ອງແຄ້ວໃນການໄຕ່ລະຫວ່າງຕົ້ນໄມ້. ເປັນສັດທີ່ກິນພືດເປັນອາຫານຈຳພວກຍອດອອ່ນ, ໃບອ່ອນ ແລະ ຢາງໄມ້.
      ສຽງຮ້ອງ: ຮອງຄືສຽງໂມງປຸກ (ສັດຈຳພວກ Sundaic), ສຽງດັງ ຣິບ (Rip) ອາດຈະອອກສຽງເວລາທີ່ມັນຖືກແດດ, ແລ່ນຂຶ້ນຕົ້ນໄມ້ ແລະ ມັກພັກຜ່ອນເທິງຕົ້ນໄມ້.
     ຖິ່ນອາໄສ: ມັກຢູ່ໃນປ່າຕຶບທີ່ກຳລັງເຕີບໃຫຍ່ຢູ່ຕາມເທິງພູສູງ ແລະ ຕ່ຳ, ນອກຈາກນີ້ຍັງມັກຢູ່ຕາມປ່າປະສົມ ແລະ ປ່າຂຽວຕະຫຼອດປີ, ຢູ່ປ່າດົງດິບຂຽວຕະຫຼອດປີຂອງ ສປປ ລາວ, ມີໃນປ່າດົງດິບ. ໄດ້ບັນທຶກໄວ້ຫຼາຍບ່ອນໃນເຂດສາຍພູຫຼວງ, ເຂດປ່າສະຫງວນນາກາຍ-ນ້ຳເທີນໄປຮອດເຂດຂອງແຂວງຫົວພັນ.