ຫວ້ານຫົວສືບ

ຈັດເປັນພືດລົ້ມລຸກ. ລຳຕົ້ນມີຫົວໃຕ້ດິນ, ສ່ວນລຳຕົ້ນເໜືອດິນສູງ 50-90 ຊມ, ສີຂຽວ. ໃບດ່ຽວ, ຮຽງວຽນສະຫຼັບ, ຮູບຫອກ ຫຼື ຮູບຂອບຂະໜານ, ກວ້າງ 3-7 ຊມ, ຍາວ 6-10 ຊມ, ໂຄນໃບມົນ ຫຼື ຕັດ, ຂອບລຽບ, ປາຍແຫຼມ ຫຼື ຮຽວແຫຼມ. ຊໍ່ດອກແບບດິ້ວຄັນຮົ່ມ, ອອກອອກຕາມກິ່ງກ້ານກົງກັນຂ້າມກັບໃບ ຫຼື ຍອດ, ຫ້ອຍລົງ. ດອກຍ່ອຍມີ 4-10 ດອກ, ຮູບຄ້າຍລະຄັງ, ສີຂາວ, ສີຂຽວອ່ອນ ຫຼື ສີມ່ວງ. ກີບດອກເຊື່ອມຕິດກັນ, ປາຍແຍກອອກເປັນ 6 ແສກ, ຍາວປະມານ 5 ມມ, ບໍລິເວນໂຄນກີບມີຢາງໃສ. ເກສອນເພດຜູ້ມີ 6 ອັນ, ຖົງລະອອງສີເຫຼືອງ. ໝາກສົດ, ຮູບກົມ, ໝາກແກ່ເປັນສີມ່ວງເຂັ້ມ. ແກ່ນມີ 2 ແກ່ນ, ສີມ່ວງເຂັ້ມ ຫຼື ສີດຳ.