ປາກະໂທງນ້ອຍ / Wrestling halfbeak
APA 6th ed. ປາກະໂທງນ້ອຍ / Wrestling halfbeak. (2020, November 9). Retrieved from https://www.phakhaolao.la/kb/0000922
MLA 8th ed. ປາກະໂທງນ້ອຍ / Wrestling halfbeak. Pha Khao Lao, 9 November 2020, https://www.phakhaolao.la/kb/0000922.
Chicago 17th ed. Pha Khao Lao. 2020. "ປາກະໂທງນ້ອຍ / Wrestling halfbeak." Published November 9, 2020. https://www.phakhaolao.la/kb/0000922.
ລຳຕົວຮຽວຍາວທົງກະບອກ, ປາກເປີດອອກດ້ານເທີງ, ຈະງອຍປາກຍິ່ນຍາວ, ຄາງກະໄຕລຸ່ມຍາວກວ່າຄາງກະໄຕເທີງປະມານໜື່ງເທົ່າ. ຄາງກະໄຕເປັນແຜ່ນແປຮູບສາມຫຼ່ຽມເມື່ອເບີ່ງຈາກດ້ານເທິງ, ຄີຫຼັງ ແລະ ຄີກົ້ນຂ້ອນໄປທາງສ່ວນທ້າຍລຳຕົວ, ກົກຄີຫຼັງຍາວເທົ່າກັບຖານຄີກົ້ນ, ແຕ່ຈຸດກຳເນິດຂອງຄີກົ້ນຢູ່ໜ້າຈຸດກຳເນີດຂອງຄີຫຼັງ, ຄີຫາງກົມມົນ. ລຳຕົວສີຂາວເຫຼືອມ, ດ້ານເທີງຈະມີສີເຫຼືອງຂຽວ, ໃນປາເພດຜູ້ຄີເອິກ ແລະ ຄີທ້ອງຈະມີສີແດງອົມສົ້ມ, ຂະໜາດຍາວສຸດ 7 ຊັງຕິແມັດ.
ສາມາດນຳໄປລ້ຽງເປັນປາສວຍງາມໃນອ່າງບົວ, ໃນບາງພື້ນທີ່ນິຍົມນຳມາກັດກັນເພື່ອຄວາມບັນເທີງ. ນອກນັ້ນຍັງນຳມາປະກອບເປັນອາຫານໄດ້ຫຼາຍປະເພດເຊັ່ນ: ປີ້ງ, ປາແຫ້ງ.
ສາມາດພົບໄດ້ໃນແຫຼ່ງນ້ຳນິ້ງ ແລະ ນ້ຳໄຫຼ, ພົບທັງໃນບືງ ແລະ ຫຼ້ວຍທີ່ມີນ້ຳໄຫຼ. ເມື່ອລະດູຝົນພວກມັນຈະເຄື່ອນຍ້າຍໄປຕາມນ້ຳເພື່ອວາງໄຂ່ ແລະ ຫາກິນ.