ປາຊີວໜວດ / Long whisker minnow
APA 6th ed. ປາຊີວໜວດ / Long whisker minnow. (2020, November 9). Retrieved from https://www.phakhaolao.la/kb/0000920
MLA 8th ed. ປາຊີວໜວດ / Long whisker minnow. Pha Khao Lao, 9 November 2020, https://www.phakhaolao.la/kb/0000920.
Chicago 17th ed. Pha Khao Lao. 2020. "ປາຊີວໜວດ / Long whisker minnow." Published November 9, 2020. https://www.phakhaolao.la/kb/0000920.
ເປັນປາຂະໜາດນ້ອຍທີ່ມີຕົວເຕັມໄວຍາວບໍ່ເກີນ 10 ຊັງຕິແມັດ ແລະ ເປັນທີ່ພົບໄດ້ງ່າຍ. ລຳຕົວຂ້ອນຂ້າງຍາວ ແລະ ແປດ້ານຂ້າງ, ຈະເປັນຮູບຮຽວຍາວແບບຂອບຂະໜານ, ສ່ວນຄໍຍາວ, ປາກເປີດທາງດ້ານເທິງ, ດ້ານໃນຂອງຮີມປາກດ້ານລຸ່ມມີຕ່ອມຂະໜາດນ້ອຍ. ເສັ້ນຂ້າງລຳຕົວຂ້ອນລົງດ້ານລຸ່ມ ແລະ ຍາວໄປເຖິງຫາງ, ມີເກັດຈຳນວນ 10-20 ເກັດ, ໜວດຍາວທີ່ປາຍຄາງກະໄຕ, ຍາວຈົນຮອດຄີທ້ອງ ແລະ ໜວດຢູ່ຈະງອຍປາກຍາວຮອດຕາ. ລຳຕົວສີຂາວເຫຼື້ອມເງິນ, ມີແຖບສີຕາມລວງຍາວລຳຕົວຈາກຂອງທ້າຍຕາເຖິງປາຍຄອດຫາງ, ຂະໜາດ 4-6 ຊັງຕິແມັດ, ຂະໜາດສູງສຸດທີ່ມີລາຍງານຄື 8 ຊັງຕິແມັດ
ການນຳໃຊ້: ສາມາດນຳມາປະກອບເປັນອາຫານໄດ້ດ້ວຍການຈືນໃຫ້ກອບ, ໝົກປານ້ອຍ ຫຼື ກ້ອຍດິບ. ນອກຈາກນັ້ນຍັງນິຍົມເຮັດສົ້ມປານ້ອຍ, ປາແກ້ວ, ປາແດກ. ຍັງລ້ຽງເປັນປາສວຍງາມໃນຕູ້ແກ້ວ
ພົບໄດ້ໃນແຫຼ່ງນ້ຳເກືອບທຸກປະເພດ ທັ້ງນ້ຳນ້ິງ ແລະ ນ້ຳໄຫຼ ຈາກທົ່ງນາເຂົ້າຈົນເຖິງໃນແມ່ນ້ຳຂະໜາດໃຫຍ່ ເປັນປາທີ່ມັກອົບພະຍົບຕາມນ້ຳ. ເມື່ອລະດູຝົນພວກມັນຈະອົບພະຍົບເຂົ້າທົ່ງບ່ອນມີນ້ຳຖ້ວມ ເພື່ອວາງໄຂ່ ແລະ ຫາກິນໃນແຫຼ່ງນ້ຳຖ້ວມເມື່ອຮອດທ້າຍລະດູຝົນພວກມັນຈະອົບພະຍົບລົງສູ່ແຫຼ່ງນ້ຳຖາວອນ.