ນຽມນົກເຂົາ / Salomonia

ຕົ້ນນຽມນົກເຂົາຈັດເປັນພືດລົ້ມລຸກ, ລໍາຕົ້ນສູງ 20-30 ຊັງຕິແມັດ, ລໍາຕົ້ນເປັນຫຼ່ຽມ. ໃບເປັນໃບດ່ຽວອອກລຽງສະລັບກັນ, ໃບຍາວ 15-25 ຊັງຕິແມັດ ແລະ ກວ້າງ 8-16 ຊັງຕິແມັດ, ໃບມີລັກສະນະເປັນຮູບໄຂ່ກວ້າງ, ໂຄນຮູບຕັດ ຫຼື ເປັນຮູບຫົວໃຈ, ປາຍໃບແຫຼມ ແລະ ມີຕິ່ງໜາມ, ຂອບລຽບ, ຜິວທັງສອງດ້ານເກືອບກ້ຽງ. ດອກອອກເປັນຊໍ່ແບບຮ່ວງເຂົ້າ, ຍາວປະມານ 10 ຊັງຕິແມັດ, ດອກຈະອອກຕາມງ່າມໃບ ແລະ ປາຍກິ່ງ, ກາບດອກມີ 5 ກາບ, ແຍກກັນມີ 2 ຊັ້ນ, ກີບປີກມີ 2 ກີບຄ້າຍຄືກີບດອກ, ກີບດອກມີ 5 ກີບເຊື່ອມກັນຢູ່ຖານຄ້າຍຄືດອກຖົ່ວ. ໝາກເປັນແບບແຫ້ງແຕກ.