Freshwater Gar Fish

ຮູບຮ່າງຮຽວຍາວຊົງກະບອກ, ເກັດຂະໜາດນ້ອຍ, ຈະງອຍປາກຍື່ນຍາວແຫຼມ, ຕອນປາຍຂອງຈະງອຍປາກມີສີແດງເປັນຈຸດ, ມີແຂ້ວແຫຼມຂະໜາດນ້ອຍຢູ່ຄາງກະໄຕທັ້ງສອງ, ຄີເອິກໃຫຍ່ເຊິ່ງມີສ່ວນຊ່ວຍໃນການກະໂດດພົ້ນຜິວນ້ຳໄດ້, ຄີທ້ອງນ້ອຍ, ຄີຫຼັງ ແລະ ຄີກ້ນຢູ່ຄ່ອນໄປທາງດ້າຍທ້າຍ, ຄີຫາງຕັດວ້ຳເລັກນ້ອຍ, ຕົວຜູ້ມີສ່ວນຫຼັງໂຄ້ງນູນສູງທີ່ບໍລິເວນຕໍ່ຈາກທ້າຍທອຍ ແລະ ເປັນສັນມີສີແດງ, ລຳຕົວຂອງມັນຈະມີສີເຫຼືອງອ່ອນ ຫຼື ສີເຫຼືອງເທົາ, ດ້ານເທີງມີສີຂຽວອ່ອນ, ດ້ານຂ້າງລຳຕົວມີສີເທົາ ແລະ ມີແຖບສີຄ້ຳພາດຂວາງຕາມລວງຍາວເຖິງໂຄນຫາງ, ຄີໃສ, ດ້ານທ້ອງສີຂາວ, ເມື່ອຍັງນ້ອຍມີລາຍຈຸດສີຄ້ຳທົ່ວຕົວ, ຂະໜາດສະເລ່ຍມີຄວາມຍາວປະມານ 25 ຊມ, ມັກລອຍນ້ຳຢູ່ໃກ້ຜິວນ້ຳ ແລະ ວ່ອງໄວໃນການໄລ່ເຫຍື່ອ. ອາຫານຂອງພວກມັນແມ່ນປາຂະໜາດນ້ອຍ, ກຸ້ມ ແລະ ແມງໄມ້, ມັກຈະໃຊ້ຈະງອຍປາກຄິບຈັບຢ່າງວອງໄວ. ມັກລ້ຽງໃນຕູ້ແກ້ວ.