ປາຊິວ / Sidestripe Rasbora
APA 6th ed. ປາຊິວ / Sidestripe Rasbora. (2020, October 12). Retrieved from https://www.phakhaolao.la/kb/0000593
MLA 8th ed. ປາຊິວ / Sidestripe Rasbora. Pha Khao Lao, 12 October 2020, https://www.phakhaolao.la/kb/0000593.
Chicago 17th ed. Pha Khao Lao. 2020. "ປາຊິວ / Sidestripe Rasbora." Published October 12, 2020. https://www.phakhaolao.la/kb/0000593.
Rasbora paviei Tirant, 1885
Rasbora sumatrana
Thai: Siew Khang Lai
Viet: Cá lòng tong
D: 7; A: 5; P1: 12-14; P2: 7. ຮູບແບບລໍາໂຕສັ້ນ ແລະ ແປທາງດ້ານຂ້າງ, ມີຄວາມເລິກຂອງລໍາໂຕ 27.77% ຂອງຄວາມຍາວມາດຖານ (SL), ຄວາມຍາວຂອງຫົວ 23.61 % SL. ຫົວ: ມີຂະໜາດນ້ອຍ, ບໍ່ມີໜວດ, ຕາຂ້ອນຂ້າງໃຫຍ່, ປາກຢູ່ດ້ານໜ້າຂອງຫົວ, ສັນດັງແຫຼມ, ຄວາມຍາວຂອງເສັ້ນຜ່າສູນກາງຕາ 47.05% ຂອງຄວາມຍາວຫົວ HL. ລໍາໂຕ: ມີແຖບສີດໍາຕະຫຼອດຄວາມຍາວດ້ານຂ້າງຂອງລໍາໂຕເລີ່ມແຕ່ເງີບໄປຈົນເຖິງກົກຫາງ ແລະ ຂະຫຍາຍເປັນຮູບວົງມົນ, ຄີທັງໝົດອອກສີເຫຼືອງອ່ອນ, ເກັດເສັ້ນຂ້າງລໍາໂຕສົມບູນ, ມີເກັດເສັ້ນຂ້າງໂຕ 25-28 ເກັດ, ເກັດກ່ອນຄີຫຼັງ 10-11 ເກັດ, ເກັດອ້ອມກົກຫາງ 12-14 ເກັດ, ເກັດຈາກເກັດກ່ອນຄີຫຼັງລົງໄປຫາເສັ້ນຂ້າງຕົວຕາມແນວສະຫຼຽງ 5 ແລະ ເກັດໜ້າຄີກົ້ນຂຶ້ນໄປຫາຕາມເສັ້ນຂ້າງຕົວຕາມແນວສະຫຼຽງມີ 2 ເກັດ, ຄີຫຼັງມີ 7 ເສັ້ນກ້ານຄີອ່ອນ, ຄີກົ້ນມີ 5 ເສັ້ນກ້ານຄີອ່ອນ, ຄີເອິກມີ 12-14 ເສັ້ນກ້ານຄີອ່ອນແລະ ຄີທ້ອງມີ 7 ເສັ້ນກ້ານຄີອ່ອນ. ຫາງ: ມີຮ້ອຍວໍ້າເລິກເຂົ້າຢູ່ສ່ວນກ່າງເປັນ 2 ຊີກ. ສີຂອງລໍາໂຕ: ສີເງິນອອກເຫຼືອງ, ສ່ວນທ້ອງມີສີຂາວ.
ເຂດກະຈາຍພັນ: ພົບຢູ່ອ່າງແມ່ນໍ້າຂອງໃນ ສປປລາວ, ໄທ ແລະ ກໍາປູເຈຍ.
ປາຊິວເປັນປາຂະໜາດນ້ອຍທີ່ນິຍົມນຳມາເຮັດໝົກ, ສົ້ມປານ້ອຍ, ປາແກ້ວ ແລະ ອື່ນໆ. ສາມາດຫາໄດ້ທຸກລະດູການ. ແຕ່ຊ່ວງລະດູຝົນຊາວບ້ານມັກຈະໃຊ້ລີ້, ຕ້ອນ ຫຼື ໂຕ້ງຕາມຮ່ອງນາ ຈະໄດ້ເປັນຈຳນວນຫຼາຍ. ບາງຄົນມັກເອົາມາເຮັດກ້ອຍດິບ, ແຕ່ບໍ່ຄວນຮັບປະທານຫຼາຍເພາະອາດເປັນປາທີ່ບໍ່ສະອາດ.
ປາຊິວເປັນປາຂະໜາດໜ້ອຍສາມາດກະຈາຍໄປທົ່ວທຸກບ່ອນ ໂດຍສະແມ່ນແມ່ນ້ຳສາຍຕາມໆຂອງແມ່ນ້ຳຂອງ, ທົ່ງນາ, ຫ້ວຍ, ບືງ ແລະ ບວກ ບ່ອນທີ່ມີນ້ຳຂັງພຽງຊົ່ວຄາວໃນຊ່ວງລະດູຝົນ ປາຊິວຈະຂຶ້ນມາໄຂ້ ແລະ ຕົວອ່ອນຈະເລີນເຕິບໂຕ. ເມື່ອເຖິງທ້າຍລະດູຝົນກໍ່ເລີ່ມເຄື່ອນຍ້າຍລົງສູ່ແມ່ນ້ຳສາຍຫຼັກ.