ບອນນົກຂຸ້ມ / Chinese taro

ການນຳໃຊ້

ພືດເປັນຢາ

ພືດປະດັບ

ຊື່ວິທະຍາສາດ / ຕະກຸນ

Alocasia cucullata (Lour.) G.Don / Araceae

ຊື່ພ້ອງ

Alocasia rugosa (Desf.) Schott
Arum cucullatum Lour.
Caladium colocasia Schott ex Wight
Caladium cucullatum (Lour.) Pers.
Caladium rugosum Desf.
Colocasia cochleata Miq.
Colocasia cucullata (Lour.) Schott
Colocasia rugosa (Desf.) Kunth
Panzhuyuia omeiensis Z.Y.Zhu

ຊື່ອື່ນ

Thai: ຫວ້ານນົກຄຸ່ມ, ຫວ້ານນາງກວັກ
Eng: Chinese taro, Buddha's Palm

ບັນຍາຍລັກສະນະພືດສາດ

ບອນນົກຂຸ້ມ ຈັດຢູ່ໃນພືດປະເພດລົ້ມລຸກ ແຕກໜໍ່ ແລະ ກິ່ງກ້ານຫຼາຍ, ມີເຫງົ້າຍາວ 30-60 ຊມ, ຂະຫຍາຍພັນດ້ວຍການແຕກໜໍ່. ລັກສະນະຂອງໃບເປັນຮູບໄຂ່ ປາຍແຫຼມ, ໂຄນໃບເປັນຮູບຫົວໃຈ, ໃບມີຂະໜາດກວ້າງປະມານ 10-18 ຊມ ແລະ ຍາວປະມານ 15-30 ຊມ. ດອກບອນນົກຂຸ້ມຈະອອກດອກເປັນຊໍ່ ມີລັກສະນະເປັນແທ່ງກົມຍາວ, ຊໍ່ດອກນັ້ນຈະມີກາບຫຸ້ມ ກາບຫຸ້ມນັ້ນຈະມີຂະໜາວຍາວກວ່າຊໍ່ດອກ. ຢູ່ໃນຊໍ່ດອກຈະມີທັງເພດຜູ້ ແລະ ເພດແມ່ ຊືື່ງດອກເພດຜູ້ຈະມີຫຼາຍກວ່າເພດແມ່. ໝາກເປັນໝາກສົດ ພາຍນອກມີເນື້ອນຸ້ມ ແຕ່ພາຍໃນມີເມັດສີແດງ.

ບັນຍາຍການນຳໃຊ້

ເພິ່ນຈະນິຍົມປູກເປັນໄມ້ປະດັບທົ່ວໄປ ຊື່ງເຊື້ອວ່າພືດຊະນິດນີ້ເປັນພືດນໍາໂຊກ. ເຫງົ້າຂອງບອນນົກຂຸ້ມສາມາດຮັບປະທານໄດ້ ແລະ ໃຊ້ເປັນຢາສະໝຸນໄພຂອງຊາວຈີນ, ໃນປະເທດຈີນຈະນໍາໃຊ້ທັງຕົ້ນເປັນຢາໃຊ້ພາຍນອກໃນການຮັກສາງູກັດ, ຝີ ແລະ ພະຍາດໄຂຂໍ້.

ເອກະສານອ້າງອີງ / ການອ້າງອີງ

Medthai. 2017. ຫວ້ານນົກຄຸ່ມ ສັບພະຄຸນ ແລະ ປະໂຫຍດຂອງຕົ້ນຫວ້ານນົກຄຸ່ມ 4 ຂໍ້.

Peng Wei, Chen Zhiyu, Tang Xu, Zheng Xiangwei. 2015. Antitumor effect and apoptosis induction of Alocasia cucullata (Lour.) G. Don in human gastric cancer cells in vitro and in vivo. BMC Complement Altern Med.

R.S. Romeiro, D. Macagnan, H.L. Mendonça, J. Rodrigues Neto. 2006. Bacterial spot of Chinese taro (Alocasia cucullata) in Brazil induced by Pantoea agglomerans.

ຜູ້ຮ່ວມມືໃນການສ້າງ

Soulivanh BOUNTHAMMY