ແມງແຄງລີ້ນຈີ່ / Litchi Stink Bug
APA 6th ed. ແມງແຄງລີ້ນຈີ່ / Litchi Stink Bug. (2019, December 5). Retrieved from https://www.phakhaolao.la/kb/0000479
MLA 8th ed. ແມງແຄງລີ້ນຈີ່ / Litchi Stink Bug. Pha Khao Lao, 5 December 2019, https://www.phakhaolao.la/kb/0000479.
Chicago 17th ed. Pha Khao Lao. 2019. "ແມງແຄງລີ້ນຈີ່ / Litchi Stink Bug." Published December 5, 2019. https://www.phakhaolao.la/kb/0000479.
Thai: มวนลำใย
ໂຕເຕັມໄວມີສີນ້ຳຕານປົນສີເຫຼືອງ, ຮູບຮ່າງລັກສະນະຄ້າຍຮູບຮີ, ມີຂະໜາດຍາວ 25-31 ມມ ແລະ ສ່ວນກວ້າງທີ່ໜ້າເອິກ 15-17 ມມ. ເພດແມ່ຈະມີຂະໜາດໃຫຍ່ກວ່າເພດຜູ້. ເມື່ອຕົວອ່ອນຈະເປັນສີແດງ. ເພດແມ່ຕົວເຕັມໄວວາງໄຂ່ເປັນກຸ່ມຕາມໃບ ຫຼື ລຽນກັນຕາມກ້ານດອກ. ໄຂ່ກຸ່ມໜື່ງຈະມີຈຳນວນໂດຍສະເລ່ຍ 15 ໝ່ວຍ.
ແມງແຄງຖືກນຳມາໃຊ້ເປັນອາຫານດົນນານແລ້ວ. ເຊິ່ງສາມາດຫາໄດ້ຕາມຕົ້ນລຳໄຍ, ຕາມລະດູການ, ເຊິ່ງສາມາດກີນດິບ ແລະ ນຳມາປູກແຕ່ງເປັນອາຫານໄດ້ຫຼາກຫຼາຍລາຍການເຊັ່ນ: ແຈ່ວກັບປາແດກ, ຂົ້ວ, ຈີ່ ແລະ ປະສົມກັບອາຫານລາຍການອື່ນໆ. ໃນຊ່ວງລະດູການອາດຈະພົບຕາມຕະຫຼາດທ້ອງຖີ່ນ, ແຕ່ມີລາຄາແພງຫຼາຍ, ໃນລາຄາ 60,000-120,000 ກິບຕໍ່ກິໂລ.
ແມງແຄງຊະນິດນີ້ພົບໄດ້ທົ່ວໄປຕາມຍອດອ່ອນ ຫຼື ກ້ານດອກ ຂອງພືດຕະກຸນລຳໄຍ, ມັນຈະອາໄສດູດນ້ຳລ້ຽງຈາກຍອດອ່ອນຂອງຕົ້ນລຳໄຍ, ຕົ້ນຄໍ້ສົ້ມ, ຕົ້ນຄໍແລນ ແລະ ຕົ້ນລີ້ນຈີ່. ໃນຊ່ວງທີ່ມີຫຼາຍແມ່ນຊ່ວງເດືອນ ເມສາ-ມິຖຸນາ. ໃນລະດູການອອກດອກ ແລະ ປົ່ງຍອດອ່ອນຂອງພືດຕະກຸນລຳໄຍ. ແມງແຄງ ມີອາຍຸນັບແຕ່ເປັນໄຂ່ເຖິງໂຕເຕັມໄວ. ໃນຊ່ວງເດືອນເມສາ-ພືດສະພາ ຕົວແມ່ຈະວາງໄຂ່ເປັນກຸ່ມຢູ່ຕາມໃບ ແລະ ກ້ານດອກຂອງຕົ້ນລຳໄຍ ຫຼື ພືດອື່ນໆ. ມັກວາງໄຂ່ເປັນກຸ່ມໆ ລະ 5-28 ໜ່ວຍ, ໄຂ່ຈະແຕກເປັນຕົວອ່ອນ 7-14 ວັນ. ຕົວອ່ອນຈະມີສີແດງ, ມີການລອກຄາບ 5 ຄັ້ງ, ໄລຍະຕົວອ່ອນຈະໃຊ້ເວລາ 61-74 ວັນ, ໄລຍະຕົວກາງໄວຈະໃຊ້ເວລາ 105-107 ວັນ ຈຶ່ງຈະເປັນຕົວເຕັມໄວ ແລະ ໄລຍະຕົວເຕັມໄວຈະມີອາຍຸຫຼາຍກວ່າ 90 ວັນຂື້ນໄປ. ສັດຕູທຳມະຊາດຂອງແມງແຄງໄດ້ແກ່ ນົກກົນປືດ, ນົກວັກ, ກະປອມ ຄົນ ແລະ ອື່ນໆ.