ສານ / Lady Palm

ການນຳໃຊ້

ອາຫານ

ພືດເສັ້ນໃຍ

ພືດເປັນຢາ

ພືດປະດັບ

ຊື່ວິທະຍາສາດ / ຕະກຸນ

Rhapis cochinchinensis (Lour.) Mart. / Arecaceae

ຊື່ພ້ອງ

Chamaerops cochinchinensis Lour.
Rhapis laosensis Becc.
Rhapis macrantha Gagnep.

ຊື່ອື່ນ

ລາວ: ສານ
ໄທ: ຈາງ, ສາງ
ອັງກິດ: Lao lady palm.

ບັນຍາຍລັກສະນະພືດສາດ

ສານ ແມ່ນຕົ້ນປາມ ເກີດເປັນສຸມ ມີຕົ້ນນ້ອຍຫຼາຍລຳ ຈັບໃສ່ຕົ້ນໃຫຍ່ ທີ່ມີຂົນສີນໍ້າຕານ ແລະ ຫຸ້ມດ້ວຍໃຍ ແລະ ມີຄວາມສູງເຖິງ 1.8 ແມັດ. ໃບຂອງມັນຫຍາບ ແລະ ຂຽວເຫຼື້ອມ, ຈັດລຽງແບບໃບພັດລົມສາມຊີກ ແລະ ຕິດກັນໜ້ອຍນຶ່ງ ຢູ່ທີ່ກົກໃບ. ຂະໜາດຂອງໃບ 25 x 6 ຊມປາຍຢ່ອນລົງ. ຊໍ່ດອກສັ້ນ ມີຫຼາຍພົ້ວ ເກີດພົ້ນອອກມາຜ່ານກາບໃບ. ໝາກ ມີ ສາມແກ່ນ. ພືດສະກຸນນີ້ ປະກອບມີອີກ 12 ຊະນິດ ແລະ ຫຼາຍພັນຕື່ມອີກ ແຕ່ຊະນິດທີ່ຮູ້ກັນດີກວ່າໝູ່ ແມ່ນ Rhapis excelsa. Rhapis subtilis ຈາກປະເທດໄທ ມີລັກສະນະຄ້າຍຄືກັນກັບ Rhapis laoensis ຕ່າງແຕ່ວ່າ ມີກີບໃບ 3-6 ໃບ.

ບັນຍາຍການນຳໃຊ້

ຍອດສານ ກິນໄດ້ແຕ່ລົດຊາດຂົມໜ້ອຍໜື່ງ ແລະ ສ່ວນໃຫຍ່ແກງໃສ່ກັບໜໍ່ໄມ້. ໃບ ສາມາດ ໃຊ້ທາບາດແຜສົດ ເພື່ອຢຸດການໄຫຼຂອງເລືອດ (ຂັດເລືອດ) ແລະ ໃຊ້ສານໝວກ. ຢູ່ປະເທດຕາເວັນຕົກ ຕົ້ນສານເປັນພືດປະດັບ ຊະນິດນຶ່ງ ຂາຍໄດ້ລາຄາສູງ.

ເອກະສານອ້າງອີງ / ການອ້າງອີງ

NAFRI, NUoL, SNV. 2007. Non-Timber Forest Products in the Lao PDR. A Manual of 100 Commercial and Traditional Products. The National Agriculture and Forestry Research Institute.

Henderson, A. 2016. A revision of Rhapis (Arecaceae). Phytotaxa 258 (2): 137–152.

Beccari, O. 1910 Palme dell’Indo-China. Webbia 3: 191–245.

Hastings, L. 2003. A revision of Rhapis, the lady palms. Palms 47: 62–78.

ຜູ້ຮ່ວມມືໃນການສ້າງ

ຮຽບຮຽບ: ສີວິໄລ ອິນທະວົງ, ກວດແກ້: ແກ້ວອຸດອນ ສຸວັນນະກູມມານ