ເຄືອຢານາງ / Yanang

ຢານາງເປັນສ່ວນປະກອບຂອງອາຫານປະເພດອ່ອມ ຫຼື ແກ້ງ, ເຊັ່ນ: ອ່ອມໜໍ່ໄມ້ ຫຼື ແກ້ງໜໍ່ໄມ້, ເປັນທີນິຍົມກັນຫຼາຍໃນລາວ ໂດຍສະເພາະແມ່ນແກ້ງໜໍ່ປະເພດຕ່າງໆ, ນອກຈາກໜໍ່່ໄມ້ແລ້ວຍັງເຫັນບາງເຂດຄັ້ນເອົານ້ຳມາແກ້ງໃສ່ຍອດພ້າວ, ຍອດຫວາຍ ແລະ ໜໍ່ສານ, ສະນັ້ນມີການນຳໃຊ້ຫຼາຍແຕ່ໃນປະຈຸບັນສ່ວນຫຼາຍກໍ່ເກັບມາຈາກປ່າເພື່ອມາຂາຍຕາມທ້ອງຕະຫຼາດ, ບາງເຂດກໍ່ໄດ້ມີການປູກເພື່ອເປັນສີນຄ້າ ແລະ ບໍ່ຈຳເປັນຕ້ອງໄປຫາຢູ່ໃນປ່າ. ນອກຈາກຈະເປັນສ່ວນປະກອບໃນການປຸງແຕ່ອາຫານຫຼາຍປະເພດແລ້ວເຄືອຢານາງຍັງໃຊ້ປິ່ນປົວພະຍາດ: ແກ້ໄຂ້, ສ່ວນທີ່ໃຊ້: ໃຊ້ຮາກ, ວິທີການນຳໃຊ້: ໃຊ້ຮາກຢານາງປະມານ 1 ກຳມື ຕົ້ມນ້ຳກິນກ່ອນອາຫານເຊົ້າ, ສວາຍ, ແລງ, ຮາກມີລົດຈືດຂົມ ແລະ ຍັງສາມາດຕ້ານເຊື້ອພະຍາດມະເຮັງໄດ້. ນອກຈາກນີ້ໃບສາມາດນຳມາຄັ້ນເອົານ້ຳດຶ່ມໄດ້ ຫຼື ຄັ້ນເອົານ້ຳມາປຸງແຕ່ງອາຫານໄດ້ຫຼາຍຊະນິດເຊັ່ນ: ແກງໜໍ່ໄມ້, ແກງເຫັດຂອນຂາວ ແລະ ອາຫານອື່ນໆອີກ. ການປູກຂະຫຍາຍພັນ: ເປັນພືດທີ່ເກີດຂື້ນເອງຕາມທຳມະຊາດທົນທານຕໍ່ກັບຄວາມແຫ້ງແລ້ງໄດ້ດີຂະຫຍາຍພັນດ້ວຍການກ້າແກ່ນ ແລະ ປູກດ້ວຍເຫງົ້າ.