ຫວາຍສຸຍ / Clump Rattan

Language

ການນຳໃຊ້

ອາຫານ

ພືດເສັ້ນໃຍ

ສີນຄ້າ

ສີ່ງປູກສ້າງ

ຊື່ວິທະຍາສາດ / ຕະກຸນ

Calamus harmandii Pierre ex Becc. / Arecaceae

ຊື່ພ້ອງ

Zalaccella harmandii (Pierre ex Becc.) Becc.

ຊື່ອື່ນ

ຫຍ້າເສີຍ, ຢຽວໂມ

ບັນຍາຍລັກສະນະພືດສາດ

ລັກສະນະລຳຕົ້ນເກິດລຳດ່ຽວ, ບໍ່ເປັນເຄືອ, ລຳຕົ້ນດ່ຽວ, ເສັ້ນລຳຕົ້ນຍາວເຖິງ 1.8 ມ, ເສັ້ນຜ່າສູນກາງ 4 ຊມ; ກາບໃບເປີດ, ສີຂຽວ, ມີໜາມສີເຫຼືອງ, ແປ, ຍາວ 3 ຊມ, ຮຽງເປັນວົງແຫວນ; ຫູໃບເດັ່ນຊັດ, ມີໜາມ; ບໍ່ມີເຂົ່າໃບ; ບໍ່ມີມືເກາະຢູ່ກາບໃບ; ກ້ານໃບຍາວ 85 ຊມ, ມີຈຸ້ມໜາມສີເຫຼືອງ; ກ້າງກາງໃບຍາວ 1 ມ, ໃບຍ່ອຍຮູບແຂບ, ແຕ່ລະຂ້າງມີ 27-37 ໃບ, ໃບ່ຍ່ອຍຮຽງສະໝໍ່າສະເໜື; ບໍ່ມີມືເກາະຢູ່ປາຍໃບ; ຊໍ່ດອກຍາວ 1.8 ມ, ຕັ້ງຊັນຂື້ນ, ບໍ່ມີມືເກາະ; ກາບຊ້ອນຊໍ່ດອກເປີດ, ເປັນເສັ້ນບິດຢູ່ປາຍກາບ; ບາງສ່ວນຂອງຊໍ່ດອກຜູ້ແຕກກິ່ງງ່າ (ຊໍ່ດອກແມ່ບໍ່ແຕກກິ່ງງ່າ); ໝາກກົມສ້ວຍ, ຍາວ 1.2 ຊມ ແລະ ກວ້າງ 0.9 ຊມ, ສີນ້ຳຕານ. ການກະຈາຍພັນ ແລະ ຖີ່ນກຳເນິດ: ພາກໃຕ້ຂອງລາວ (ຢູ່ປ່າສະຫງວນພູເຫຼັກໄຟ, ອັດຕະປີ) ພົບຢູ່ປ່າປ່ຽນໃບເຂດຕໍ່າທີ່ມີລະດັບຄວາມສູງຈາກໜ້ານ້ຳທະເລ 200-300 ມ. ລະດູອອກດອກ ແລະ ໝາກ: ອອກດອກເດືອນພືດສະພາ ແລະ ເປັນໝາກເດືອນກຸມພາ ຫາເດືອນມິຖຸນາ. (ຈັນສະໜອນ ພົງອຸດົມ ແລະ ຄະນະ, 2014)

ບັນຍາຍການນຳໃຊ້

ໝາກສຸກສາມາດກິນໄດ້, ເສັ້ນລຳໃຊ້ເຮັດດ້າມພ້າ, ດ້າມມິດ ແລະ ດ້າມຫອກ, ໃບໃຊ້ມຸງຫຼັງຄາ.

ເອກະສານອ້າງອີງ / ການອ້າງອີງ

ຈັນສະໜອນ ພົງອຸດົມ, ສູນທອນ ເກດພັນ, ວີຈິດ ລຳໄຊ ແລະ ບັນຊາ ທຳມະວົງ. 2014. ບັນດາລະບົບ, ນິເວດວິທະຍາ ແລະ ການຈັດສັນຫວາຍຢູ່ ກຳປູເຈຍ, ລາວ ແລະ ຫວຽດນາມ. ອົງການກອງທຶນອະນຸລັກທຳມະຊາດໂລກປະຈຳລາວ.

Pterers C.M & Henderson, A. 2014. Systematic, Ecology and Management of Rattans in Cambodia, Laos and Vietnam. WW-Greater Mekong and The New York Botanical Garden.

Greijmans, M., Ketphanh, S., Lamxay, V., & Sengdala, K. 2007. Non-Timber Forest Products in the Lao PDR. A Manual of 100 Commercial and Traditional Producs. The National Agriculture and Forestry Research Institute. Vientiane, Lao PDR.

Dransfield, J. 1984. A note on the genus Zalacella (Palmae: Lepidocaryoideae). Kew bulletin 39: 797-798.

Henderson, A. 2009. Palms of Southern Asia: 1-197. Princeton university press, Princeton and Oxford.

Evans, T., Sengdala, K., Thammavong, B., Viengkham, O.V. & J. Dransfield. 2002. A Synopsis of the Rattans (Arecaceae: Calamoideae) of Laos and Neighbouring Parts of Indochina.