ຫວາຍໜາມໄຊ / Erect Stem Rattane

ລັກສະນະລຳຕົ້ນເກີດເປັນສຸມ, ບໍ່ເປັນເຄືອ, ລຳຕົ້ນຕັ້ງອິດສະລະ ຫຼື ພາດກ່າຍຍາວເຖິງ 6 ມ, ເສັ້ນຜ່ານສູນກາງ 5 ຊມ; ກາບໃບສີຂຽວເຂັ້ມ, ມີຂົນສີນ້ຳຕານເຂັ້ມ ແລະ ໜາມສີນ້ຳຕານ, ແປ, ຍາວ 3.5 ຊມ, ຮຽງເປັນແຖວສັ້ນ; ມີຫູໃບ, ມີໜາມສັ້ນຮຽງເປັນແຖວ, ຫູໃບເປິດເປັນສອງສ່ວນ, ຫຼົ່ນງ່າຍ; ບໍ່ມີເຂົ່າໃບ; ບໍ່ມີມືເກາະຢູ່ກາບໃບ; ກ້ານໃບຍາວ 190 ຊມ, ມີໜາມສີເຫຼືອງ, ຮຽງເປັນວົງແຫວນ; ກ້ານກາງໃບຍາວ 3 ມ, ແຜ່ນໃບຮູບຫອກ, ໃບແຕ່ລະຂ້າງມີ 40 ໃບ, ໃບຍ່ອຍຮຽນງສະໝໍ່າສະເໝີ, ຂອງໃບຍ່ອຍມີຂົນສັ້ນແຂງ; ບໍ່ມີມຶເກາະຢູ່ປາຍໃບ; ຊໍ່ດອກຍາວ 2 ມ, ບໍ່ມີມືເກາະ; ກາບຊ້ອນຊໍ່ດອກເປັນຫຼອດ, ແຕ່ແຕກຢູ່ປາຍເປັນລີ້ວໆ; ໝາກກົມສ້ວຍຮູບໄຂ່, ຍາວ 5 ຊມ ແລະ ກວ້າງ 2.5 ຊມ, ສີຂຽວ ຫຼື ສີນ້ຳຕານແດງ. ການກະຈາຍພັນ ແລະ ຖິ່ນກຳເນີດ: ພາກເໜືອ ແລະ ພາກກາງຂອງລາວ. ຕ່າງປະເທດພົບທີ່ບັງກະລາເທດ, ບູຖານ, ຈິນ, ອິນເດຍ, ມຽນມ້າ, ເນປານ ແລະ ໄທ. ພົບຕາມປ່າດົງດິບເຂດຕໍ່າ, ພູເຂົາສູງ ຫຼື ປ່າປ່ຽນໃບ, ປົກກະຕິເກິດຢູ່ເຂດສູງຊັນທີ່ມີຄວາມສູງຈາກໜ້ານ້ຳທະເລ 1,400 ມ. (ຈັນສະໜອນ ພົງອຸດົມ ແລະ ຄະນະ, 2014)