APA 6th ed. ແຂມ / Broomgrass. (2020, December 16). Retrieved from https://www.phakhaolao.la/kb/0000067
MLA 8th ed. ແຂມ / Broomgrass. Pha Khao Lao, 16 December 2020, https://www.phakhaolao.la/kb/0000067.
Chicago 17th ed. Pha Khao Lao. 2020. "ແຂມ / Broomgrass." Published December 16, 2020. https://www.phakhaolao.la/kb/0000067.
ຟອຍກວາດ ເປັນເຄື່ອງມືທີ່ຜະລິດນຳໃຊ້ອະນາໄມໃນຄົວເຮືອນຂອງຄົນລາວມາແຕ່ດົນນານ, ໂດຍນຳໃຊ້ວັດຖຸດິບເຄື່ອງປ່າຂອງດົງມາຜະລິດສຳລັບໃຊ້ອະນາໄມ ແລະປັດກວາດເຮືອນຊານທຸກວັນ. ຮູບແບບຟອຍກວາດທີ່ຄົນລາວນຳໃຊ້ຈະມີຄວາມແຕກຕ່າງກັນຢູ່ໃນແຕ່ລະທ້ອງຖິ່ນ.
ຮູບແບບການຜະລິດຟອຍກວາດ
ຟອຍກວາດທີ່ຜະລິດໃຊ້ ແລະຈຳໜ່າຍຢູ່ໃນທ້ອງຕະລາດໃນທົ່ວປະເທດແມ່ນມີລັກສະນະທີ່ແຕກຕ່າງກັນ ຂື້ນຢູ່ກັບເຕັກນິກວິທີການຜະລິດຂອງແຕ່ລະທ້ອງຖິ່ນ. ໃນບາງທ້ອງຖິ່ນໃຊ້ລຳຕົ້ນແຂມ ເຮັດເປັນກ້ານຟອຍກວາດ ໂດຍໃຊ້ຫວາຍ ຫຼື ເຊືອກມັດຕິດກັນໃຫ້ແໜ້ນເປັນກ້ານຟອຍກວາດ ຊຶ່ງເປັນຮູບແບບການຜະລິດແບບດັ້ງເດີມຂອງ ປະຊາຊົນຄົນລາວ.
ອີກໃນບາງທ້ອງຖິ່ນແມ່ນໄດ້ນຳໃຊ້ໄມ້ ຫຼືໄມ້ປ່ອງເຮັດເປັນກ້ານຂອງຟອຍກວາດ, ໂດຍໃຊ້ວິທີການຖັກແຂມ ຫຼືມັດ ແຂມເປັນລູກ ຫຼືດີ້ວ ແລ້ວຖັກໃສ່ກ້ານໄມ້ ຫຼືໄມ້ປ່ອງ ຊຶ່ງເປັບຮູບແບບທີ່ກຳລັງຜະລິດກັນແຜ່ຫຼາຍໃນປັດຈຸບັນ.