ໄສ້ອົ່ວໝູຮົມຄັວນ

ສ່ວນປະກອບ

• ຊີ້ນຫມູຕິດມັນ 2 kg
• ຊີ້ນຫມູບໍ່ຕິດພັນ 2 kg
• ຫົວສີໄຄ 10 ຫົວ
• ໃບຂີ້ຫູດ 1 ກຳມື
• ຫມາກເຜັດໃຫຍ່ແຫ້ງ 10 ຫນ່ວຍ
• ເກືອ 2 ບ່ວງແກງ 
• ນ້ຳປາ ຂ້ອນຖ້ວຍແຈ່ວ
• ນ້ຳຕານ 1 ບ່ວງແກງ
• ຜັກທຽມ ແລະ ຜັກບົວປອກເປືອກແລ້ວຊອຍຢ່າງລະ 150 g
• ໄສ້ຫມູລ້າງໃຫ້ສະອາດ

ການກະກຽມ:

• ຊີ້ນຫມູລ້າງໃຫ້ສະອາດ ນໍາມາຟັກ ຫຼື ບົດກໍ່ໄດ້
• ຫົວສີໄຄຊອຍໃຫ້ແລບໆປະສົມກັບຫມາກເຜັດ, ຫົວຜັກບົ່ວ, ຜັກທຽມ ແລ້ວຕໍາໃຫ້ມຸນ

ວິທີປະຕິບັດ:

• ນຳເອົາຊີ້ນທີ່ກຽມໄວ້ນັ້ນມາຖອກໃສ່ຊາມທີ່ສະອາດ
• ນໍາເອົາເກືອ, ຜັກທຽມ, ຜັກບົວ, ນໍ້າປາ, ນ້ໍາຕານ ແລ້ວຄັ້ນໃຫ້ເຂົ້າກັນດີ
• ນໍາມາຍັດເຂົ້າໃນໄສ້ທີ່ກຽມໄວ້ນັ້ນແລ້ວມັດເປັນຂໍ້ໄປພ້ອມກັນ ດ້ວຍເຊືອກຝ້າຍ
• ເມື່ອສໍາເລັດແລ້ວກໍ່ນໍາມາຕາກລົມໃຫ້ແຫ້ງຫນ້ອຍນຶ່ງ ຫລື ຮົມຄວັນ ຫລື ຢ້າງໃຫ້ແຫ້ງ ແລ້ວເກັບ
• ຮັກສາໄວ້ຕູ້ເຢັນ ຫລື ຖ້າເຮັດຫລາຍສາມາດນໍາໄປຂາຍກໍ່ໄດ້ 

ສິ່ງທີ່ຄວນເອົາໃຈໃສ່

• ຄວນເລືອກເອົາຊີ້ນສົດມາເຮັດໄສ້ກອກ
• ກ່ອນຈະນຳໄປບໍລິໂພກໃຫ້ປີ້ງ ຫຼື ຈືນ
• ຖ້າບໍ່ມັກຈືນ ໃຫ້ປີ້ງເອົາກໍ່ໄດ້ ຕາມຄວາມຕ້ອງການຂອງ ຜູ້ບໍລິໂພກ.
• ຄວນລ້າງໄສ້ໃຫ້ສະອາດດີ ແລະ ເອົາໄຂມັນອອກໃຫ້ໝົດ

ຂໍ້ມູນເພີ່ມເຕີມຈາກ ປື້ມຄູ່ມືວິທີການເຮັດໃສ້ອົ່ວໝູຮົມຄັວນ