ແກງຫົວຕານ
ແກງຫົວຕານ ລົດຊາດຂົມອ່ອນໆ ແຕ່ແຊບ
ເຮືອນຄົວລາວ
phakhaolao.la
ສ່ວນປະກອບ
- ໝາກຕານອ່ອນ 10 ໝາກ
- ກະດູກໝູ ຕາມໃຈມັກ
- ເຂົ້າເບືອ 1 ກຳມື
- ນໍ້າຢານາງ 2 ຖົງ
- ຜັກນາງຕູ່ 7-10 ຕົ້ນ
- ຫອມບົ່ວໃບ 7-10 ຕົ້ນ
- ຫົວສີໄຄ 3 ຫົວ
- ໝາກເຜັດດິບ 5-7 ໝາກ
ວິທີປຸງແຕ່ງ
- ແກະກາບໝາກຕານອອກ ປອກເປືອກທາງຂ້າງອ້ອມໆບໍລິເວນຫົວອອກ ແລ້ວຊອຍເອົາຫົວ ແລະ ດັງ ຂອງໝາກຕານ ຊອຍຂະໜາດຕາມໃຈມັກ(ຊອຍໃສ່ນໍ້າ ເພື່ອບໍໃຫ້ຫົວຕານດຳ)
- ຕົ້ມນໍ້າໃຫ້ຟົດດີ ເອົາຫົວຕານໄປຕົ້ມ ປະມານ 1 ຊົ່ວໂມງ ຫລື ຕົ້ມຈົນກວ່າຈະຈືດ(ຄືກັບຕົ້ມໜໍ່ໄມ້) ແລ້ວຕັກອອກໄວ້
- ຕົ້ມນໍ້າຢານາງໃຫ້ຟົດດີ ແລ້ວໃສ່ຫົວສີໄຄ ລໍຖ້າ 1-2 ນາທີ ກໍ່ຕາມດ້ວຍກະດູກໝູ,ຕົ້ມໄປເລື້ອຍໆຈົນກວ່າໝູສຸກດີ
- ໃສ່ຫົວຕານລົງໄປ ຕົ້ມອີກປະມານ 10-15 ນາທີ
- ໃສ່ເຂົ້າເບືອ ແລະ ໝາກເຜັດ, ປຸງລົດດຕາມໃຈມັກ ແລ້ວໃສ່ຜັກນາງຕູ່ ແລະ ຫອມບົ່ວໃບ ເພື່ອເພີ່ມກິ່ນຫອມຂອງແກງ ແຊບໆ ຄົນໃຫ້ເຂົ້າກັນ ແລ້ວປົງໄດ້ເລີຍ
- ຕັກໃສ່ຖ້ວຍພ້ອມຮັບປະທານກັບເຂົ້າໜຽວຮ້ອນໆ
ແນະນຳ:
- ແນະນຳໃຫ້ໃສ່ຖົງມື ເວລາຊອຍຫົວຕານ ມືຈຶ່ງບໍ່ດຳ
- ນອກຈາກຈະແກງແລ້ວ ໝາກຕານອ່ອນໆຍັງສາມາດນຳມາເຜົາໄຟ ແລ້ວກິນກັບແຈ່ວປາແດກ ຫຼື ປົ່ນ ກໍແຊບດີ