ສົ້ມໃບມັນຕົ້ນ
ສົ້ມໃບມັນຕົ້ນ ໜຶ່ງໃນເມນູອາຫານທີ່ປະຊາຊົນລາວນິຍຍົມເຮັດໄວ້ກິນ ໂດຍສະເພາະຜູ້ເຖົ້າຜູ້ແກ່ ເພາະວ່າມີລົດຊາດທີ່ແຊບ ແລະ ຍັງເຮັດງ່າຍ ໃຊ້ສ່ວນປະສົມໜ້ອຍ
ເຮືອນຄົວລາວ
phakhaolao.la
ສ່ວນປະກອບ
- ຍອດມັນຕົ້ນ
- ເກືອ
- ກະທຽມ
- ເຂົ້າໜຽວໜຶ້ງສຸກ
ວິທີປຸງແຕ່ງ
- ນຳຍອດໃບມັນຕົ້ນມາລ້າງນໍ້າໃຫ້ສະອາດ
- ນຳມາລວກ (ໃຫ້ໃບອ່ອນ) ໂດຍໃຊ້ນໍ້າເດືອດ ປະມານ 4-5 ນາທີ
- ນຳອອກຈາກໝໍ້ ມາລ້າງດ້ວຍນໍ້າເຢັນ ແລ້ວ ພັກໃສ່ຊາມປະໄວ້ໃຫ້ເຢັນ
- ທຸບກະທຽມໃຫ້ມຸ່ນໃສ່ໃນຊາມຜັກ, ຕາມດ້ວຍເກືອພຽງເລັກນ້ອຍ ແລະ ເຂົ້າໜຽວໜຶ້ງສຸກ ຫຼັງຈາກນັ້ນກໍຄົນໃຫ້ເຂົ້າກັນ ຫຼື ຈະຄັ້ນດ້ວຍມືເບົາໆປະມານ 1 ນາທີ
- ໃສ່ໄວ້ໃນໄຫ ຫຼື ໂຖ ປະໄວ້ປະມານ 10 ຊົ່ວໂມງກໍສາມາດນຳມາປະກອບອາຫານໄດ້ແລ້ວ
ວິທີຮັບປະທານ
ຕັກອອກຈາກໄຫ ແລ້ວໃສ່ຖ້ວຍ ຊອຍໝາກເຜັດໃສ່ ຖ້າຕ້ອງການ ກໍສາມາດຮັບປະທານໄດ້ແລ້ວ
ຖ້າຫາກກິນບໍ່ໝົດ ສາມາດເກັບໄວ້ໃນຕູ້ເຢັນເພື່ອຮັບປະທານເທື່ອຕໍ່ໄປໄດ້